馬上成為壹會員
會員專區 只限會員閱讀
羅鈞滿因醉駕、溝女偷食、影裙底等事件而形象破產，16年底宣布同無綫解約，外闖發展嘅佢，於18年8月同朋友夾份開甜品店，升呢做老闆。佢接受蓋世寶訪問時，問到甜品店生意點嘅時候，佢竟然話:「生意好嗎？你應該係講緊我嘅甜品店，我一直都無對外公布，其實我已經離開咗甜品店。所以你話訪問想喺甜品店做，其實我唔好意思咁樣交代，因為可能拍檔之間理念上有啲分別，一啲我覺得好好嘅員工，但拍檔可能覺得唔係好好，佢哋想換過晒一批新員工，我覺得無理由咁樣嘅，又覺得既然係咁，不如和平分手，無錢銀問題，無其他問題，即係大家仲有保持聯絡，仲有一齊工作，只不過呢方面大家嘅意見不合，我覺得咁就算啦。我都試過同朋友喺生意上有不同類型嘅合作，有啲而家繼續做得好好，有啲可能大家意見不合，我覺得無問題嘅，又唔係鬧交。」做生意係咪好困難？佢答：「我覺得做生意係好困難，尤其今次算係我第二次同飲食有關，其實係唔容易，始終無得同台灣比較。喺台灣可能租金，甚至人工都比較低，尤其是租金方面，如果要成件事收支平衡，好大機會係要將成本轉嫁到消費者身上，變咗競爭性就唔夠高，所以我覺得整件事的確唔容易。反而未離開TVB之前，同一啲幕後同事合組製作公司，專門負責台燈聲置景方面，直至而家仍然有做，我諗都做咗五、六年，可能兩個後生仔咩嘢都親力親為，成件事又唔同，可能就係因為成本控制比較容易，唔需要牽涉好多租金方面嘅問題，變咗容易去處理。」
無做甜品店，蓋世寶問羅鈞滿而家做緊咩嘢？佢話：「稍後會返國內拍兩套電影，一套網絡電影，一套院線電影，網絡電影可以首次做男一，終於喺國內有機會，其實都好迷惘，因為而家無簽經理人，其實係靠自己誤打誤撞，靠一啲關係，或者靠以前曾經合作嘅朋友，佢哋返國內發展，然後會搵你演戲，但可能只得一場戲，或者得三、四句對白，你都要去做。對我嚟講，離開TVB之後基本上係一個新人，坦白講，喺香港電影圈我係一個新人，人哋唔識你，我要點樣俾人認識呢？當然要好似以前喺TVB咁樣，每樣嘢都去試，一句對白又做，無對白又做。去到國內亦一樣，可能南方廣東話語系嘅地方會比較認識，但去到北邊就未必認識你，變咗同樣都要試，每件事都唔介意去做。同埋要開始多啲講普通話，之前好多時都可以配音，但今次要現場收音，我就話好啦，我諗起好多香港小姐其實唔識中文字，我見到佢哋啲劇本會寫拼音，我諗佢哋都得，我都一定要做得到，所以就叫對方早啲俾劇本我，其實正常溝通無問題，係驚一啲特別字詞發音唔準，影響成個進度就唔得啦。都好嘅，順便可以多啲練習普通話，我諗發展都會好啲嘅。」
策劃：肥A
攝錄：黃志明、蕭敬漁
蓋世寶髮型及化妝：毛毛@嫁妝
羅鈞滿髮型：Rocky @ VULCAN 黨
立即下載APP，精彩內容壹手掌握
如對會員訂閱制有遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|