順利開騷 鄧建明：相士話日子啱
太極樂隊成員鄧建明（Joey Tang）以「單飛」姿態前晚在Star Hall開騷，雖然同期不少演唱會取消，他仍能順利開騷，並碌爆人情卡，請來音樂上有淵源的歌手助陣，計有李克勤、蘇永康、陳慧琳（Kelly）、何婉盈、側田、林德信。
打頭陣出場的蘇永康稱呼Joey做「前輩」，因每個演唱會Joey都為他彈結他。之後側田出場，Joey自爆因兒子都叫Justin，試過打錯電話給側田。到陳健安（on仔）出場，原來Joey想搵原唱者許志安，最後改搵另一個on仔來唱《一加一減你》。Kelly登場後，直言全靠Joey讓她通過試音才能當歌手，笑言：「當年佢個外形好惡好Cool，其實個人好Nice！」李克勤表示雙方相識幾十年，現才知對方表情多多兼手瓜起（月展）。最後由太極成員壓軸演出，為個唱畫上完美句號。
因配合散場交通問題，Joey開騷前先受訪，對於能順利開騷，他坦言有考慮延期，但主辦單位問過相士，認為日子適合，決定如期舉行。又自爆一周前曾接受牙齒手術：「有節牙骨枯死咗，要開刀清除牙骨碎片。」
來源 source: http://orientaldaily.on.cc
|
鍾意就快D Share啦！
|
|
|
