掃呢頁CODE去手機

2019年11月22日 星期五

【頭條戲場】《茄哩啡事務所》快樂的Cult片 __,

和人兄弟交咗入會費就成功加入幸福丸。
【頭條戲場】《茄哩啡事務所》快樂的Cult片和人兄弟交咗入會費就成功加入幸福丸。舊年上映,由日本新晉導演上田慎一郎執導的《屍殺片場》成功用指甲鉗鉗出一 ...




【頭條戲場】《茄哩啡事務所》快樂的Cult片

和人兄弟交咗入會費就成功加入幸福丸。

舊年上映,由日本新晉導演上田慎一郎執導的《屍殺片場》成功用指甲鉗鉗出一片熱帶雨林,以零卡士加超低成本300萬日圓(約21萬港元)拍攝八日,電影上映四個月贏盡口碑,總票房逾28億日圓(約1億9千6百萬港元),在港亦大收800萬票房,創下恐怖影壇神話,除咗講黐線無補充。導演有新作推出,《茄哩啡事務所》繼續走「我睇咗啲乜嘢」路線,感覺好兒嬉,好大學作品Feel,但你問我好唔好笑?呢六個月以嚟笑得最開懷一次就係睇呢套戲。(11月28日上映)撰文:廖思慧

入會後派發指南,內有教主簡介,比翼雙飛動作加講埋幸福兩字用嚟打招呼。
入會後派發指南,內有教主簡介,比翼雙飛動作加講埋幸福兩字用嚟打招呼。
右邊係教主,唔講嘢嘅,左邊係教主嘅左右手,負責講嘢嘅。

右邊係教主,唔講嘢嘅,左邊係教主嘅左右手,負責講嘢嘅。

電影開拍前,導演曾在全球舉行試鏡活動,反應超熱烈,最後在1500名參加者中選出15名零知名度的演員演出,再跟他們一起度劇本,達成真正的集體創作。

好有創意

《茄哩啡事務所》當然就係講老臨,但並非電影中喺主角後面行行企企或一出場就被殺嗰種。一副驚青樣嘅男主角和人(大澤數人飾)有正職但好鍾意做演員,閒時周圍試鏡搵機會,但奈何佢一緊張同被男人追問就會暈低,咁死啦。多得細佬宏樹(河野宏紀飾),介紹阿哥去茄哩啡公司做嘢,公司乜Job都接,例如搵人做媒入戲院瘋狂大笑,又或職業孝子,和人可以發揮所長同賺錢,後者好重要。有一日,公司接咗一單踢爆邪教詐騙組織幸福丸嘅工作,和人兄弟被安排做前線深入虎穴,笑位多到癲,一講即穿橋,入場自己感受吓。

和人兄弟前面嗰件物體係邪教嘅吉祥物,幾萬蚊港紙,話放佢喺屋企就唔會咁易頭暈。

和人兄弟前面嗰件物體係邪教嘅吉祥物,幾萬蚊港紙,話放佢喺屋企就唔會咁易頭暈。
和人入咗去邪教新會員講座,性感職員埋身力Sell,好多男士成功被氹。

和人入咗去邪教新會員講座,性感職員埋身力Sell,好多男士成功被氹。


幸福神石,會員家中必備,盛惠港紙400蚊一盒。

幸福神石,會員家中必備,盛惠港紙400蚊一盒。
中間女仔係邪教會員,中邪毒太深,連父母剩落嘅旅館都畀埋教主。

中間女仔係邪教會員,中邪毒太深,連父母剩落嘅旅館都畀埋教主。
對於和人一緊張就暈,醫生話係心理病,無藥食全靠自己睇開啲。

對於和人一緊張就暈,醫生話係心理病,無藥食全靠自己睇開啲。
《救命超人》係一套舊戲,和人隔幾日就睇一次,全靠佢排解寂寞。

《救命超人》係一套舊戲,和人隔幾日就睇一次,全靠佢排解寂寞。

鍾意就快D Share啦!