網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年12月29日 星期日

【頭條獨家】離婚19年 唔諗再嫁畀阿女挑機 葉蘊儀:佢話快過我拍拖 __,葉蘊儀,

Gloria笑言都想試吓拍不用講太多認真話題的旅遊節目,「我見到有個《C9旅行團》,我可以拍個帶阿叔去旅行㗎!」
【頭條獨家】離婚19年唔諗再嫁畀阿女挑機葉蘊儀:佢話快過我拍拖Gloria笑言都想試吓拍不用講太多認真話題的旅遊節目,「我見到有個《C9旅行團》,我可 ...




離婚19年唔諗再嫁畀阿女挑機葉蘊儀:佢話快過我拍拖Gloria笑言都想試吓拍不用講太多認真話題的旅遊節目,「我見到有個《C9旅行團》,我可 ...




【頭條獨家】離婚19年 唔諗再嫁畀阿女挑機 葉蘊儀:佢話快過我拍拖

Gloria笑言都想試吓拍不用講太多認真話題的旅遊節目,「我見到有個《C9旅行團》,我可以拍個帶阿叔去旅行㗎!」

46歲葉蘊儀(Gloria)最近演出ViuTV真人騷,同一樣有過失婚經歷的薛世恆齊齊為《一切從失婚開始》到烏克蘭拍攝,兩人除了四圍參觀,接受不同挑戰,仲大講失婚經驗及感受。離婚19年的Gloria話,諗起當年湊住對仔女都好徬徨,想過重操故業再拍戲,但最終決定發展新事業,為做仔女榜樣更決心讀返書,雖然一直有人追,但她為了仔女着想堅持做單親媽咪冇諗過再嫁,不過仔女現在已長大,20歲細女仲好支持媽咪再覓第二春,更用另類方式挑機當鼓勵同媽咪講:「我諗到我拍拖,你都應該未拍拖?」細女咁講令Gloria哭笑不得,但未有想快啲搵個伴,反而是仔女長大了,她想好好享受自由日子做返自己。撰文:杜淑霞 攝影:李維隆 場地:Hyphen Party & Event

Gloria坦承對婚姻仲有憧憬,但不心急搵另一半。
Gloria坦承對婚姻仲有憧憬,但不心急搵另一半。
本身有畏高的Gloria,在節目接受挑戰坐熱氣球。

本身有畏高的Gloria,在節目接受挑戰坐熱氣球。



回想2000年,Gloria跟結婚5年的陳柏浩離婚,27歲的她帶住只有4歲的大仔紹臻和1歲的細女紹珩,坦承當時前路茫茫,「第一刻當然好震撼,但係慢慢要游說自己繼續向前行囉!對於我嚟講細路仔係動力嚟。」離婚後,她都有想過重返娛樂圈發展,但最終堅持自己諗法,「我個人比較任性,覺得我想試第二啲人,因為好多人都覺得你應該入返呢行,相對容易啲搵錢呀,或者容易啲適應呀,但對於我嚟講,人生可能過咗四分一咁樣,我係咪應該試下唔同嘅嘢呢!?唔係一定要做返之前嘅嘢㗎嘛!我仲有好多機會去嘗試唔同嘅嘢,到開始做唔同工作之後,我又覺得我要做一個榜樣畀我啲細路仔睇,我以前拍嘢只係讀到中五,想話畀啲細路仔聽,想做就會做到,所以去讀Art揀樣自己鍾意讀嘅嘢,由學士到碩士一路完成佢,畀一個身教啲小朋友,媽咪想做嘅嘢,畀心機都會做到嘅,你哋如果有嘢想做,應該朝住自己目標去做。」

一直恨去切爾諾貝爾的Gloria,見到受核事故洗禮的遺跡相當震撼。

一直恨去切爾諾貝爾的Gloria,見到受核事故洗禮的遺跡相當震撼。
Gloria和薛世恆探訪烏克蘭家庭,還學整當地食品。

Gloria和薛世恆探訪烏克蘭家庭,還學整當地食品。



為子女放棄再婚

當年Gloria跟前夫認識未夠一年就閃婚,她覺得相處不久並非導致離婚主因,「我覺得人係會改變嘅,但係有啲人變都係會維持個婚姻,有啲人係唔會變嘅,所以係睇番嗰個人本身,我覺得唔關識得耐唔耐嘅事,係大家珍唔珍惜呢個關係,雙方進行一個磨合。」Gloria坦承一直有人追,但為了一對兒女從來冇想過再婚,「我唔鍾意畀個複雜嘅環境畀小朋友,就算係單親都冇乜問題,畀到一個啱嘅價值,同畀到愛佢哋就得,唔需要專登搵個阿爸或者阿媽畀佢哋,呢一代單親真係好普遍。(唔再婚係咪犧牲?)我唔覺得係犧牲嚟,人生實在太長你同小朋友相處其實好短,佢哋需要你嘅時間好短,所以唔會覺得嘥咗,同佢哋一齊嘅時間重要啲。」

對象唔揀藝術家

現在大仔已23歲,細女都20歲入埋大學讀書,Gloria坦承現在已甩難,可以做返自己,譬如搞藝術工作或者嘗試不同幕前演出,反而冇諗拍拖住,「未準備好接受一段新感情,好享受細路大咗,我甩身做吓自己嘅嘢,有另一半就順其自然。(再拍拖仲諗唔諗結婚?)唔諗咁遠,大家唔好畀壓力大家。」Gloria唔心急拍拖,反而細女替她着急,「又唔係哦嘅,有一個講啫,妹妹講『我諗到我拍拖,你都應該未拍拖』哈哈!佢咁樣比喻,即係話佢會快過我囉!佢應該係想我擴濶生活圈子識多啲男仔。」講到擇偶條件,她反而唔希望對方一樣是藝術家,「佢唔使鍾意藝術,佢接受我做呢樣嘢就得,如果都鍾意藝術好難傾得埋,大家都係會好固執呀,好有自己諗法,咁就仲溝通唔到,我覺得嗰個人應該係欣賞我嘅工作嘅,接受我嘅,畀多啲自由度我。(使唔使過小朋友嗰關?)以前就要,依家唔使,太大啦,以前我主要會諗小朋友先。」

事業如日中天的Gloria,突然在95年跟商人陳柏浩閃婚。

事業如日中天的Gloria,突然在95年跟商人陳柏浩閃婚。
Gloria離婚後,一切以子女為重,親自照顧他們。

Gloria離婚後,一切以子女為重,親自照顧他們。
為了做子女的榜樣,Gloria重返校園進修,最後完成碩士課程。

為了做子女的榜樣,Gloria重返校園進修,最後完成碩士課程。
早前客串ViuTV處境劇《娛樂風雲》的Gloria,都想演多啲戲。

早前客串ViuTV處境劇《娛樂風雲》的Gloria,都想演多啲戲。

鍾意就快D Share啦!