【頭條獨家】演《多功能》「Annie姐」獲讚 黎燕珊入TVB目標漸實現
黎燕珊最近在劇集《多功能老婆》做朱晨麗的單親媽咪「Annie姐」，挑皮鬼馬的演繹獲得不少讚賞，珊姐話好感激監製陳寶華發掘了她演喜劇細胞，她加入TVB的目標正一步步實現，希望未來能嘗試更多不同角色。現實中同樣是單親媽咪的珊姐自言跟角色一樣冇放棄到愛情，一對仔女還不時鼓勵她覓第二春。撰文：杜淑霞 攝影：梁志明 服裝：FRAY I.D
珊姐謂安排她演繹「Annie姐」最適合不過，「大家都係單親媽咪，好似戲裏面Annie姐咁太早結婚，亂咁識人，所以就生咗囡囡囉！哈哈！」珊姐仲透露跟演其囡囡的朱晨麗，因合作而成為好朋友，「我真係當咗佢係囡囡咁，佢話我係細佢媽咪一年，仲要橋到我個女又係做空姐。有次我知佢返鄉下，同佢講好鍾意食豆干，佢即刻買咗一大包畀我，真係好有心。」
屢敗屢戰
加入TVB兩年多，珊姐自覺發展不俗，更講明唔怕辛苦唔靚，最緊要有戲演，「高貴大方，成日都做，今次收到角色，我就知機會嚟好想話畀人知，我靚得嚟都識做戲，多謝寶華姐發掘我喜劇嘅細胞，係開心㗎！呢段日子公司畀咗好多機會，連唱歌同行catwalk都試過，加入公司嘅目標同夢想慢慢實現。」
講到一對仔女，珊姐謂他們好支持她工作，更鼓勵她覓第二春，「尋日阿仔先講，『我哋咁大個，你鍾意點都得。』阿女又成日趕我出街，又話『第時我哋結咗婚都唔想你咁悶。』我都想嘅，我會屢敗屢戰，雖然我創傷後遺症好嚴重，但係我復元㗎啦，差唔多埋口。（揀對象有咩條件？）唔使靚仔，人品好，同埋信仰一樣。」
來源 source: http://hd.stheadline.com
|
鍾意就快D Share啦！
|
|
|