2019年12月29日星期日

老婆冇麻醉順產誕B女林子善：母親偉大令我喊到變豬頭 __,林子善,

老婆冇麻醉順產誕B女林子善：母親偉大令我喊到變豬頭

B女出世，林子善大讚母愛偉超乎常人，老婆不用麻醉50分鐘內完成整個分娩過程。

林子善與老婆董佩欣結婚2年，今年報喜老婆佗B，今日凌晨終於宣佈當爸了。子善先在ig story上載為妻女打氣及集氣片段，隨後貼上囡囡照片，留言：「媽咪超級無敵勁...冇麻醉順產分娩😱 極速0至10度50分鐘小乖乖出世🤗 由懷孕到小乖乖出世成個過程歷歷在目長大後可以唔錫爸爸但一定要錫媽咪😘😘😘 #母愛真偉大 #超乎常人」。雖然已是凌晨，但大批網民及圈中好友，包括胡定欣、張寶兒、陳敏之、袁偉豪、莊思敏、傅嘉莉等第一時間留言祝賀。