掃呢頁CODE去手機

2019年12月12日 星期四

談笑風燊 黃錦燊 __,黃錦燊,

.httpool_video_addiv:nth-child(1){margin:20pxauto!important;}近日在劇集《多功能老婆》中, ...




近日在劇集《多功能老婆》中,見到久未露面的黃錦燊(Malvin)飾演風流大律師,與劇中兒子周柏豪做對手戲,火星撞地球,娛樂性十足。

他說為了一場泳裝戲,每日操肌,於三個月內減掉十磅,「我知道要着泳衣,心諗大!鑊!嘞!好彩我有做開運動,點知最後場戲俾人cut咗,導演見我好失望,就話俾番其他場口我騷quali,所以我咪有場戲喺屋企着短褲做運動囉。」

做了二十年大律師的黃錦燊,去年為專注拍劇而「除牌」,身形依然甚弗,中央沒有「六合一」,跟太太趙雅芝一樣是不老魔法師。由演員變成大律師,再重操演藝故業,只有一件事令他未能釋懷,「個個話我唔似七十三歲(維基百科指他生於四六年),我話梗係唔似我都無七十三歲,我七十歲咋!咁多年都俾人報大數,記得同我澄清番!」

歲數連法官大人也審不清,但黃錦燊的談笑風生,則絕對唔使審,看得到!

七十歲的黃錦燊,仍然有型有款,魅力依然,以為他注重養生,誰知⋯⋯「我都係好簡單洗面、搽啲潤膚霜,每日食一粒綜合維他命丸就夠。我唔算早瞓,呢排半夜上網睇番自己套劇,幾好睇o架。」



黃錦燊任職大律師期間,曾於〇六年代表梁家輝打醉駕官司。



藥劑博士

訪問當日,黃錦燊穿着三件頭西裝,坐在餐廳裏,呷一口咖啡,語氣溫文有禮,一派英式紳士形象。熱身後,才發現他雖擁有威嚴的外表,內裏其實風趣幽默,常逗得旁人捧腹大笑。

他在廿年前的告別作《真情》中飾演貓屎,與好姨成為經典情侶組合,當年食住《真情》條水,他與好姨薛家燕出過唱片,帶來很多登台機會。

講到今次拍《多功能老婆》,他於去年為專心拍這套劇,索性向大律師公會「除牌」,暫停大律師工作,避免被人混淆身份。究竟大律師收入有多可觀?他搞笑地說:「係咪稅局派你嚟追數?過咗七年就無得追o架喇!呢兩個行業收入都是海鮮價,大律師收入係唔少,我做民事,有幾十億嘅民事訴訟;又有隱形富豪打幾億官司,如果贏咗,個客齋俾訟費嘅百分之五至十都夠俾律師費,可慳番唔少。拍戲收入可能係少啲,但知足常樂,乜嘢年紀做番乜嘢,我都做咗二十年(大律師),o依家俾我做番啲輕鬆嘢(演戲)。」

黃錦燊讀書時是學霸,爺爺是美國華僑,他從小在美國三藩市的唐人街長大,因熱愛化學,是美國加洲大學藥劑學博士,畢業後擔任藥劑師。

自小熱愛武術的他,在唐人街餐館兼職時,認識一代宗師葉問徒弟,並拜入其門下學詠春,其後又跟白鶴派學武術。他少年時期仰慕李小龍,渴望成為武打明星,當時武俠電影導演張徹在台灣開公司,黃錦燊專誠去試鏡,當時的武指劉家良見他高學歷便把他勸退,「劉家良大哥好好人,佢見我讀緊大學,就話:『世姪,你讀好書先至再嚟』但就係咁就遲咗十年!」

他和薛家燕在《真情》中的「貓屎」和「好姨」情侶檔,當年紅到出唱片,更獲得不少登台搵銀的機會。



九十年代拍《真情》時,黃錦燊開始攻讀法律課程,於九六年正式取得英國倫敦大學法學學士,翌年更取得英國及香港的執業大律師資格。在高院宣誓時,趙雅芝和兒子前來支持,「當年拍真情,朝九晚七時間好穩定,可以定時返夜校上堂,我對政治有興趣,鍾意分析但唔想從政,就開始讀法律。」



八〇年的劇集《雙葉蝴蝶》,黃錦燊和黃淑儀難得一見的泳裝照,當年算十分性感。



難得一見黃錦燊的「乾淨」樣,當年有報導話趙雅芝下嫁他時曾對他說:「錦燊,我們一條心,養大小孩。」,黃錦燊否認更大笑說:「佢叫我『貓屎』都唔會叫我『錦燊』平時最多叫我『阿喂』,都叫你唔好成日上網睇咁多啦。」




鍾意就快D Share啦!