網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年1月28日 星期二

【頭條獨家】《家有囍事2020》演娘爆土豪 譚耀文唔覺意激發虛榮心 __,譚耀文,

阿譚喺演藝生涯中不斷尋求突破。
【頭條獨家】《家有囍事2020》演娘爆土豪譚耀文唔覺意激發虛榮心阿譚喺演藝生涯中不斷尋求突破。入行32年的譚耀文喺工作上keep住有突破,原來《家有囍 ...




《家有囍事2020》演娘爆土豪譚耀文唔覺意激發虛榮心阿譚喺演藝生涯中不斷尋求突破。入行32年的譚耀文喺工作上keep住有突破,原來《家有囍 ...




【頭條獨家】《家有囍事2020》演娘爆土豪 譚耀文唔覺意激發虛榮心

阿譚喺演藝生涯中不斷尋求突破。

入行32年的譚耀文喺工作上keep住有突破,原來《家有囍事2020》係佢嘅首部賀歲片,片中阿譚飾演大反派黑幫首領,有曲髮造型兼衣着非常老土,笑言連自己都想嘔,加埋要「懶」幽默,堅好玩,過足戲癮,最開心係連拍戲都搵到份虛榮感,他自爆其中一幕開大型生日P,見到現場周圍放滿他的Q版肖像大油畫,當日特別High!採訪:方騫平 場地:Studio King影樓王

片中土豪生日派對好豪華,令他有滿足感。
片中土豪生日派對好豪華,令他有滿足感。
片中跟性感女神周秀娜及陳靜有唔少對手戲。

片中跟性感女神周秀娜及陳靜有唔少對手戲。

譚耀文在《家有囍事2020》中繼續做大反派,阿譚說:「以前喺《財神到》、《花田囍事》等賀歲片都係客串性質,今次第一次賀歲片孭重飛,對我嚟講幾新鮮好玩,雖然我唔算搞笑能手,只係「懶」幽默,好彩『娘爆』土豪造型幫到唔少,睇見都想笑,第一日造型時連化妝間工作人員見到都忍唔住話:『掂喎,得喎!』聽見信心都大啲。(咪搶戲過3兄弟?)咁又唔得,要恰如其份,大家發揮唔同嘅效果,ChiLam有body language;張繼聰好搞笑;百鳴哥本身經已係品牌代言人,現場提供好多驚喜。」

土豪開P好自豪

阿譚最難忘場口係講開他開大型生日P,由於片中「鱷魚譚」係集團主席,生日會請晒公司所有員工甚至傳媒參加,去到現場見到周圍放滿他的Q版肖像大油畫道具,拍戲以嚟都未試過:「感覺變咗蒙娜麗莎,油畫連眼肚、頸紋、皺紋都畫得好細緻,感覺好真,好似假戲真做咁,所以當日心情好High,好自豪,好自滿,特別得戚!哈!我諗住拎走啲畫,放2張喺屋企,望住自己當神咁拜,年年生日拎出嚟自High一吓,所以拍呢套戲滿足到我嘅虛榮心,原來潛藏咗喺心入面咁耐都唔知,點知嗰日心花怒放到穿晒崩!雖然係俗氣咗少少,但咁搞生日都幾開心,諗定自己結婚周年會唔會咁搞先。」

生日P現場掛滿阿譚肖像油畫,五官畫得好細緻。

生日P現場掛滿阿譚肖像油畫,五官畫得好細緻。
做完土豪,阿譚笑言考慮大搞結婚周年。

做完土豪,阿譚笑言考慮大搞結婚周年。


他和李綺紅、袁文傑等客串過賀歲片《花田囍事》。

他和李綺紅、袁文傑等客串過賀歲片《花田囍事》。

鍾意就快D Share啦!