【一罩難求】周家蔚泰國掃錯貨 張文慈誤買「紙咁薄」口罩
武漢肺炎持續擴散，各地掀起搶購口罩熱潮，近日更有不少香港市民怒吼買唔到口罩！正身處泰國的周家蔚，繼昨日於社交網報告在當地狂掃50支消毒搓手液後，今日凌晨她再出Po自爆成功買到口罩，可惜之後發現全部都「唔合格」，家蔚說：「希望帶到正能量給大家，我在泰國買到的都會盡量買。雖然今日買錯咗只防花粉嘅小朋友口罩，仲要買咗三十幾包𠻹。但係我會努力加油盡量買多啲返嚟畀你哋。」
另邊廂，張文慈都喺社交網嗌救命，她說：「叫印傭姐姐去搵口罩，全城缺貸，被人高價炒賣！都算了！千辛萬苦找到了！成百元二十個！我在電話問是否標準的口罩，他們說不可開封看，保證合規！」不過，觀乎其上載的口罩相，約5蚊一個的「保證合規格」口罩，居然薄到See-through咁，擺明畀人搵笨！張文慈嬲爆續說：「回家打開一看，透薄到紙一樣！現在我家可用合標準的口罩，已經所剩無多存貨！如果有日你在街上見到我沒有戴口罩，請不要罵我沒公德心！有甚麼方法可以提供救救我！」
來源 source: http://hd.stheadline.com
|
鍾意就快D Share啦！
|
|
|
