掃呢頁CODE去手機

2020年2月24日 星期一

【頭條獨家】腦膜炎險死 黑妹同遊大馬避疫 韓馬利返開工憂中招 #韓馬利

及時行樂  韓馬利、李麗霞經歷過一場大病,更懂享受人生。同老公杜燕歌及妹妹玩得好盡情。
【頭條獨家】腦膜炎險死黑妹同遊大馬避疫韓馬利返開工憂中招及時行樂韓馬利、李麗霞經歷過一場大病,更懂享受人生。同老公杜燕歌及妹妹玩得好盡情。喺新冠肺炎疫 ...




腦膜炎險死黑妹同遊大馬避疫韓馬利返開工憂中招及時行樂韓馬利、李麗霞經歷過一場大病,更懂享受人生。同老公杜燕歌及妹妹玩得好盡情。喺新冠肺炎疫 ...




【頭條獨家】腦膜炎險死 黑妹同遊大馬避疫 韓馬利返開工憂中招

及時行樂 韓馬利、李麗霞經歷過一場大病,更懂享受人生。同老公杜燕歌及妹妹玩得好盡情。

喺新冠肺炎疫情威脅下,曾患肺癌第一期嘅李麗霞(黑妹姐)及去年八月因腦膜炎昏迷醫院一周嘅韓馬利(Mary姐),月初不約而同去咗確診數字較少的馬來西亞避疫,在當地除低口罩呼吸清新空氣,放輕鬆玩咗一星期,好好享受人生。不過,回港後Mary姐隨即投入拍TVB新劇《食腦喪B》,Mary姐曾經半隻腳叉咗入鬼門關,體質已大不如前,喺高危期開工,坦言心慌慌,仲自爆日前畀同枱,係咁咳嗽嘅臨記伯伯嚇親添! 採訪:方騫平  

好友相聚 黑妹姐去大馬旅行順便探望喺當地嘅吳岱融同「黑仔」姜皓文。
好友相聚 黑妹姐去大馬旅行順便探望喺當地嘅吳岱融同「黑仔」姜皓文。
開心飯局  飯局有韓馬利夫婦、吳岱融夫婦、黑妹姐、李健達等,大家唔避忌坐埋開餐。

開心飯局 飯局有韓馬利夫婦、吳岱融夫婦、黑妹姐、李健達等,大家唔避忌坐埋開餐。

65歲的Mary姐病瘉後體會到人生無常,應及時行樂,見身體向好,所以月初同妹妹、老公杜燕歌、老友李健達走轉大馬怡保及金馬倫happy吓,「今次玩得真係好開心,除咗李健達教咗我哋好多自然療法外,朝早五點起身去沙沙蘭睇『天空之鏡』都好有驚喜,呢個黑沙灘喺特定退潮嘅日子同時間,地面浮現中央沙洲,呢啲天然嘢好神奇。另外,當地啲嘢好好食,就算街邊大排檔都好食都不得了,我哋日日喺朋友間酒樓開餐,睇住個褲頭由鬆變緊,好想喺度長住,可能下次再去睇屋,順道睇驗吓當地生活。」

相約黑妹姐開飯

咁啱同時間黑妹姐同囡囡、兩個孫仔去浮羅交怡探完妹妹後,齊齊落怡保探住喺當地嘅吳岱融、鍾淑慧;姜皓文(黑仔)、金慧英,Mary姐等人就join埋一齊食飯,問她可擔心變病毒party?Mary姐就話當時完全唔怕:「去到嗰度完全好free,都冇人戴口罩,啲人生活他他條條,冇人提冇人講(疫情),所以喺嗰度好舒服囉,返到嚟又要戴返口罩,見到啲人咁緊張,廁紙、口罩乜都搶,哎!真係兩個唔同嘅世界呀!而且𠵱家有啲人真係好自私,其實生活物資夠用就得喇,要留返啲畀人哋用,甚至有啲不良商人趁機抬價,對低收入家庭好慘,發國難財好陰功,冇晒人性。我哋喺當地都有掃少量防疫用品,黑妹姐要幫個女同兩個孫入貨,佢就比較瘋狂,因為真有需要。」

去食好西 黑妹姐跟「黑仔」姜皓文夫婦、吳岱融、寶珮如、任港秀及新加坡朋友共聚嘆美食。

去食好西 黑妹姐跟「黑仔」姜皓文夫婦、吳岱融、寶珮如、任港秀及新加坡朋友共聚嘆美食。
溫馨一家  黑妹姐同囡囡及兩個孫仔去咗浮羅交怡島探妹妹,一家人好溫馨。

溫馨一家 黑妹姐同囡囡及兩個孫仔去咗浮羅交怡島探妹妹,一家人好溫馨。

有臨記喺廠喪咳

返港不久,Mary姐即拍《食腦喪B》,她表示健康ok可應付,相信食多一個月精神科藥物就全面停藥,體弱的她喺疫情下唔戴口罩開工坦言有啲驚:「有乜辦法呀!TVB又唔停工,唔停工都要冒呢個險㗎啦,嗰日喺廠拍麻將館戲,現場有六至七枱麻將,全部坐滿晒人,幾驚呀!同枱有個臨時演員阿伯喺度係咁咳,我諗佢應該只係濁親,但同一枱都驚嘛,咁啱嗰日又有個臨時演員喺電視城廠外嘔吐,後來公司即時停廠消毒。有一日我都傷風作感冒,好彩冇燒,只係流鼻水,我好驚咁樣返工會嚇親人呀!幸而食咗兩包醫生開畀我嘅高質量維他命C後冇晒事。其實我都驚㗎,自己抵抗力弱,唯有祈禱,而且唔敢行埋去人多嘅地方,以前一早入廠等人,𠵱家等人入晒去先。至於記憶力方面,監製話唔使好多對白,咁都OK嘅,不過,𠵱家容易皮膚敏感,腫起一舊舊連化妝都遮唔到,浮晒出嚟好核突,真係慘呀。」

唔使搶購 Mary姐話當地冇人提冇人講疫情,超市有大量廁紙出售。

唔使搶購 Mary姐話當地冇人提冇人講疫情,超市有大量廁紙出售。
雨過天青  去年八月Mary姐因腦膜炎昏迷醫院,情況一度叫人擔心,目前健康向好。

雨過天青 去年八月Mary姐因腦膜炎昏迷醫院,情況一度叫人擔心,目前健康向好。
享受人生 黑妹姐年前發現頸椎有一個直徑4厘米的腫瘤,做完切除手術後去年驗身再發現患肺癌,死裏逃生,𠵱家真係要好好享受人生,所以她返港不久又再飛泰國打高球。

享受人生 黑妹姐年前發現頸椎有一個直徑4厘米的腫瘤,做完切除手術後去年驗身再發現患肺癌,死裏逃生,𠵱家真係要好好享受人生,所以她返港不久又再飛泰國打高球。
友情常在  李健達、黑妹姐、韓馬利、杜燕歌幾個老友難得喺大馬聚頭,梗係約埋玩餐飽啦。

友情常在 李健達、黑妹姐、韓馬利、杜燕歌幾個老友難得喺大馬聚頭,梗係約埋玩餐飽啦。
愈拍愈驚 拍麻將館廠景戲,現場有6-7枱麻將,全部坐滿晒人,體弱多病的Mary姐頂硬上,幾驚呀!

愈拍愈驚 拍麻將館廠景戲,現場有6-7枱麻將,全部坐滿晒人,體弱多病的Mary姐頂硬上,幾驚呀!

鍾意就快D Share啦!