傅嘉莉話開始覺得疫情好近！
藝人傅嘉莉、謝東閔、鍾晴及潘梓鋒等，下午現身元州邨，向保安人員及清潔工友派發防疫用品。由於元州邨曾發生確診個案，一眾藝人無懼「險境」幫人，謝東閔坦言：「冇得擔心，希望幫到有需要人士，佢哋都喺高危工作嘅地方。」他又呼籲大家要關注落後地區的疫情：「依家連非洲都確診，當地醫院可能物資唔係咁充足，希望大家可以嘅話都幫吓手。」
傅嘉莉則透露朋友的朋友於英國確診，目前正隔離：「開始覺得（疫情）好近咁。」她與謝東閔都不諱言疫情令收入大減，傅嘉莉直言：「《包青天再起風雲》同《大醬園》推出後，一單job都冇，呢啲情形以前真係未試過！」
謝東閔則覺得收入驟減是「大圍事」，且正能量謂：「做人點都有高有低，一齊捱過就得。」他又指自己刻下除做足防疫工夫外，平日keep住運動強身健體：「不過去做gym就要特別注意，入去要先用搓手液消毒，舉啞鈴時雙手千祈唔好接觸自己五官，做完我一定換全新口罩。」
來源 source: http://hk.on.cc
|
鍾意就快D Share啦！
|
|
|