現年70歲的鮑起靜，日前在大台劇《法證先鋒IV》跟黃浩然和湯洛雯合作，講述自己廿年來努力尋女的一場戲，雖然只有短短四分鐘，但情緒由零至爆發，不少觀眾都感動至流淚，大讚是神級演技，幾乎屬個人表演，就連朋友都忍不住聯絡她大讚她出色。不過這位影后卻未看過一集，原來她為避疫情，早已飛英國探女兒，弄孫為樂。
「最近呢兩個月疫情，期間就唔會有工作，電影工作又停頓，所以我寧願過嚟(英國)湊孫，點知嚟到英國之後，當地疫情開始大爆發，我跳咗入第二個火坑。」她說。
不過最令她感無耐的是，原來英國人的戴口罩文化，跟香港人截然不同，令她遭受歧視。
「當地人都唔戴口罩，咳都唔會避忌，早前有一位新加坡人被打，其實都開始有少少歧視中國人，尤其見到你戴口罩，因為佢哋覺得戴口罩就係有病，因為有病先至戴口罩，然後有病點解要外出呢。所以阿女叫我外出，一定唔可以戴口罩，而家我都好少出街，淨係流連屋企附近，連買餸都唔會去唐人街，只係去附近超巿買當地食物。」她說。
香港人經歷過沙士，知道時刻保持健康重要性，不像歐洲人掉以輕心，視作普通感冒。
「佢哋都唔識得保護自己，唔知死，唔知疫症可怕。」身在英國的鮑姐有感而發。
事與願違，不過鮑起靜計劃五月返港，事關有新工作要做。至於今次演出再成亮點，問她會否繼續拍劇，她表示：「如果劇本好，公司可以有足夠休息畀我，我係冇問題。」原來鮑起靜拍《同盟》一劇時，試過連踩15個鐘，今次因好友梅小青講明是退休前最後作品，她才被打動答允客串。
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
來源 source: http://nextplus.nextmedia.com
|
鍾意就快D Share啦！
|
|
|