掃呢頁CODE去手機

2020年3月14日 星期六

對「安心事件」感心痛 梅小青堅稱冇用錯黃心穎 #梅小青 #黃心穎

梅小青對黃心穎評價甚高,並認為生命有take 2,應再給心穎機會。
對「安心事件」感心痛梅小青堅稱冇用錯黃心穎梅小青對黃心穎評價甚高,並認為生命有take2,應再給心穎機會。梅小青受訪電台節目《舊日的足跡》,入行40年 ...




對「安心事件」感心痛 梅小青堅稱冇用錯黃心穎

梅小青對黃心穎評價甚高,並認為生命有take 2,應再給心穎機會。

梅小青受訪電台節目《舊日的足跡》,入行40年退休在即,她坦言現時依然將精神放在熱播電視劇《法政先鋒IV》上,並感謝所有參演的演員,說:「當我邀請演員參演嘅時候,冇話佢哋知呢齣係我最後(監製)嘅一套劇集,但佢哋都撐我……首先多謝四哥(謝賢),我佢嘅小粉絲,當年去片場搵佢同芳芳姐(蕭芳芳)簽名,但我一直唔認識亦唔敢搵佢,今回我臨別秋波托好朋友開口邀請,佢好快就答應。誰知記者會第二日,四哥打電話畀我話唔做喇,怕辛苦……一下子我嚇傻咗!我好感激拉姑(狄波拉)在旁邊幫口『應承咗唔可以唔做㗎!』四哥先話『小青我玩吓你咋!』其實四哥演出非常認真,服裝全出私伙……我哋冇傾片酬,我畀一封利是佢作車馬費,佢初時都唔肯收,總之四哥時刻都散發出一股濃濃嘅星味」

小青姐一直以來都小心選角,條件是要有演員道德,團隊合作亦要開心。問及今次是否錯選了黃心穎?小青姐直言不覺:「我喜歡心穎係由《宮心計》開始,佢好甜唔造作,嗲亦唔會過火,《法證IV》我早預佢一份,佢熟讀劇本,好快拿揑到我哋要啲乜。可惜發生咗呢個Case(安心事件),我好意外亦好心痛。」小青姐坦言心穎一定是錯,本來大有前途,現在受了很大的懲罰,並謂生命有take 2,這麼年輕應該再給她機會的。從手上三四個女演員中找來湯洛雯(靚湯)代替心穎的角色,原因小青姐覺得靚湯好甜、好有 heart:「我要佢減肥,但似乎唔太成功,於是我同自己講,我揀佢並非因為佢個樣同體重,係因為佢可以做到我劇中嘅角色。佢同心穎唔可以比較,各有各嘅好處,佢(靚湯)入組廿幾日就做到呢個成績,我非常滿意!」

梅小青都讚靚湯,但不會同心穎比較。
梅小青都讚靚湯,但不會同心穎比較。
梅小青揀演員好嚴格,黃浩然、黃心穎、譚俊彥都是她心水選擇。

梅小青揀演員好嚴格,黃浩然、黃心穎、譚俊彥都是她心水選擇。



小青姐又點名稱讚黃浩然及譚俊彥:「家豪哥(丈夫劉家豪)好早同我講過浩然好有演員道德,即使當年只係客串劇集就算拍攝一啲手腳近鏡,佢都要自己親自返嚟演繹,佢話身體都有語言,我好喜歡佢,佢係新一代演員嘅榜樣!至於譚俊彥,我並非同狄龍係好朋友先揀佢,的確,揀佢嘅時候,團隊對佢演包青天印象太深,大家提議揀一個(樣子)寬容啲演員,但我覺得應該畀佢一個機會,搏一搏!果然他不負眾望,在劇中哭着洗碗那一場戲之後,大家都非常喜歡他了。」

小青姐對於選用譚俊彥表示感同身受,因當年即使有合適的角色也不敢揀選胞妹梅小惠演出,又謂其實小惠的笑戲和喊戲也很到家,姊妹倆也承受很大的壓力!但後來小青姐豁出去,隨後兩劇都選用小惠擔任女主角,又大讚妹妹做得非常好,特別是爸爸看到兩個女兒的名字同時出現在電視劇中感到非常開心,小青姐就知自己做對了,所以她很明白俊彥的壓力,並盛讚其能力非常高強。

小青姐又點評今天貴為亞視副總裁的舊愛將林文龍有頭腦、有要求、具上進心,很有諗頭和演員道德,對服裝也自我要求嚴格,又往往恰如其份,小青姐滿有信心表示文龍絕對勝任友台這高職。

梅小青與梅小惠

梅小青與梅小惠



鍾意就快D Share啦!