掃呢頁CODE去手機

2020年4月1日 星期三

【張國榮逝世17年】張國榮迷倒韓國女神 17歲全智賢如狂迷失控 #全智賢 #女神 #張國榮

【張國榮逝世17年】張國榮迷倒韓國女神17歲全智賢如狂迷失控20分鐘前今時今日,韓流攻陷港女年代,一個個「國民老公」、「Oppa」稱霸亞洲,但哥哥張國 ...




  • 【張國榮逝世17年】張國榮迷倒韓國女神 17歲全智賢如狂迷失控
  • 20分鐘前




今時今日,韓流攻陷港女年代,一個個「國民老公」、「Oppa」稱霸亞洲,但哥哥張國榮在生時候,紅遍東南亞,早將韓國民心俘虜,就連女神全智賢,都係哥哥狂迷,一見偶像即失控,唔知當年哥哥有冇諗過,眼前呢位少女忠絲,多年後成為亞洲女神。

當年哥哥憑電影《英雄本色》風摩亞洲,包括韓國,之後《倩女幽魂》、《霸王別姬》及一連串金曲,令韓迷瘋狂,當年未變女神樣,一臉baby face的全智賢,17歲(98年),代表電視台訪問偶像張國榮。一個未來偶像見偶像係咩情景?十足哥哥名曲《戀愛交叉》歌詞(歌詞有所調動)「嬌小的她,手執鮮花,展開傾心的對話」。

全智匱開門一見偶像張國榮,跟手獻花呢個咁簡單嘅見面禮,聞說全智賢緊張到NG多次先按得住激動情緒完成任務。個膽壯大咗,狂迷全智賢打蛇隨棍上主動投懷送抱,得逞後對住鏡頭一臉得戚。 點知一坐低,未來女神淨係識傻笑,唔識發問,搞到哥哥好無奈,全場人等佢傻笑完一輪,終於發問:「我記得我跟張國棠先生年齡差距幾大的(相距25年),不知該怎稱呼你,請在四個稱呼當中選一個,第一(爸爸),第二及三是(叔叔),(哥哥),最後是(親愛的)。」未等哥哥選擇,心花怒放嘅全智賢已經搶答:「希望你揀親愛的。」講完還伏喺哥哥膊頭撒嬌狂笑,當粉絲與偶像,全智賢完全兩個人。以為哥哥會揀第三個選擇「哥哥」,錯了!哥哥說:「我揀第二(叔叔)。」全智賢聽罷完全唔想接受。 之後問佢鍾意食咩韓國菜,哥哥答:「泡菜!」聽到偶像張國榮同佢口味相同,全智賢簡直如獲至寶:「辣白菜,我也喜歡,口味也是天生一對。」形容天生一對,睇嚟當日全智賢當正偶像張國榮係「國民老公」喎。

----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤


鍾意就快D Share啦!