現年55歲的張達明，2011年患上鼻咽癌，2016年為免拖累太太及一對子女，他選擇離婚，一個人過生活。經過7年化療、電療雙管齊下，終於抗癌成功。不過接踵而來的後遺症，是手腳24小時麻痹，他曾形容感覺就如戴厚手套和着厚靴，按不到掣、打不到機。最近，達明雙腳肌肉開始萎縮，每天落床成最大挑戰，快則幾秒，慢則要花幾分鐘，讓血流到足部。今年1月，達明由成都回港後，更染上一般的冠狀病毒，導致發燒至39度；雖然禍不單行，但達明卻樂觀面對：「Ok，一般人面對疫情。正常生活。」
早前，大病初癒的達明接受《蘋果》專訪，當時他受訪時，時常需要喝水滋潤喉嚨，他說︰「喉嚨吞吐講嘢時，乾咗會痛，每隔兩分鐘要飲水，如果唔飲會棘住好辛苦，痛到流晒眼水。其實而家已好好多，最初係冇口水，日頭還好有分泌，到夜晚就冇。所以要食一隻藥，先含喺口，之後6個鐘會有一層啫哩包住，冇咁乾。」
走過生死峽谷，達明直言人自然貪生惡死，但想到佛經所講的三千世，凡事變得輕可，他說︰「病當然會失去好多嘢，做唔到好多嘢，消失得太多嘞。睇生死，一個愉快，一個悲慘咁簡單。生係美麗事，可能做到好多嘢，死係不能避免，人有壽命。但諗遠啲嘅時候，佛經有三千世，呢一生、呢一世太簡單，既然有三千世，今世使乜咁緊張。」達明話一向有讀佛經，跟他2017年創作的舞台劇《塵上不囂》有關。
笑對病魔的達明，展示他達觀一面。他回想病癒後擔任組合農夫的棟篤唱嘉賓，要數到掌聲最多的，是自述火療經歷︰「梅花針針灸插落臉啊、頸啊，已經辛苦，最辛苦仲係火療。」他憶述畫面，首先要全身赤裸，背卧在按摩床上，再由師傅為灑滿的火酒點火，着火一刻，達明已大叫「頂唔順、頂唔順」，達明笑着說︰「阿仔睇完之後話『爹哋，我頭先唔記得影相呀，燒多次吖！』呢一part係最多掌聲。」笑看生死，同時積極面對人生，達明透露病癒後加入周潤發的行山跑步團，每次跑完都會向隊長發哥報告。目前面對疫情，作為長期病患的達明，一向都有戴口罩外出的習慣，隔些時都會上街添置日用品及買外賣回家食用。
採訪︰何永寧
攝影︰陳俊強
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com
|
鍾意就快D Share啦！
|
|
|
