2020年4月1日星期三

【變靚啲】家居隔離無聊到扮靚自娛　關智斌「薯頭」秒變型男 #關智斌

【變靚啲】家居隔離無聊到扮靚自娛　關智斌「薯頭」秒變型男

家居隔離多日的關智斌今日無聊到扮靚自娛。

早前於馬來西亞拍網劇《女法醫JD》的關智斌（Kenny），上周二（24日）晚從大馬飛抵香港後，隨即展開14天家居隔離，連日來Kenny都不時於社交網交代近況，除了晒吓自家炮製美食外，又拍片分享吓家中健身實況。

來到被困的第8日，他今日就上載了一條「變靚啲」短片，片中的Kenny由一個滿面鬚根、頭髮勁頹兼戴上眼鏡的「薯頭」，快速剃鬚、吹頭、噴古龍水，秒變成一個大隻靚仔，他寫道：「今日決定執番啲眼耳口鼻出嚟，唔知點解每日搞到自己好忙⋯⋯8:00起身刷牙洗面整早餐 9:00冥想一吓（可能其實係發呆） 10:00做運動 12:00準備午餐食午餐加埋洗碗 2:00坐喺露台望吓風景點吓香薰玩吓IG 3:00踩單車 4:00沖個涼瞓一陣 5:00沖咖啡有時會喺度唱吓歌 6:00準備晚餐食晚餐洗碗 8:00有時砌模型有時彈結他有時睇書有時會同啲friend玩zoom 10:00每日最期待嘅煲劇時間（點解冇人話畀我聽《我們與惡的距離》係會喊到_k 12:00用牙線再刷牙（btw買咗隻薰衣草牙膏好好味）再用漱口水 1:00繼續睇睇下劇瞓着咗 #好忙呀」確實，一眾圈中好友容祖兒、胡蓓蔚等都覺得Kenny的一日「行程」好充實，不過都冇得出街，扮到咁靚、咁香噴噴做咩呢？