掃呢頁CODE去手機

2020年4月1日 星期三

【撐警藝人圈】馬蹄露藏頭詩力撐楊明新劇 姪仔馬米高妙詩回應:眼都唔眨咁白癡 #楊明 #馬蹄露

【撐警藝人圈】馬蹄露藏頭詩力撐楊明新劇姪仔馬米高妙詩回應:眼都唔眨咁白癡29分鐘前撐警藝人楊明新劇《機場特警》日前正式出街,同屬撐警一族的馬蹄露,當然 ...




  • 【撐警藝人圈】馬蹄露藏頭詩力撐楊明新劇 姪仔馬米高妙詩回應:眼都唔眨咁白癡
  • 29分鐘前




撐警藝人楊明新劇《機場特警》日前正式出街,同屬撐警一族的馬蹄露,當然表態力撐,更在其facebook上學黃絲玩藏頭詩:

「楊家有個正義子

明人絶不做暗事

機緣巧合當演員

場場好戲不單止

特別出眾演警察

警察懲奸不休止」

打直睇即是「楊明機場特警」,認真hard sell,而向來與馬蹄露不同政治立場的姪仔馬米高,亦在其facebook上以藏頭詩「回禮」:

「我真係好想話你知

冇人夠你鐘(鍾)意TVB

眼都唔眨咁白癡

睇嚟你要食啲Omega-3」

馬米高暗呼「我冇眼睇」之餘,亦不忘其「英文阿sir」身分,還教大家藏頭詩英文是「acrostic」。

有網民不滿馬米高「無大無細」,連姑姐都寸,留言鬧馬米高:「真係戥你家門不幸」,雖然遭人正面挑釁,不過EQ甚高的馬米高亦禮貌回應:「sorry我全家都好幸福」。

馬蹄露與馬米高兩姑姪,雖然政治立場不同,而馬米高亦經常在社交平台向姑姐馬蹄露「開火」,不過亦無損二人感情。

馬米高自言是受姑姐影響才成為YouTuber,他曾表示小時候姑姐來接他放學,令不少同學羨慕又驚訝,使馬米高感到就算是演丑角,都可以做到很「入屋」,所以長大後決定做YouTuber,不但教英文,更有《跟著姑姐》頻道,與馬蹄露齊齊去旅行,介紹地方景點及美食,難得互寸完又可以一齊合作,認真難得。



----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤


鍾意就快D Share啦!