2020年4月1日星期三

健身室關閉無阻運動　鄭裕玲馬死落地「行」 #鄭裕玲

健身室關閉無阻運動　鄭裕玲馬死落地「行」

健身室冇開，Do姐仍勤力行路當做運動。

由於新冠肺炎疫情漸趨嚴重，港府早前宣佈由上月28日起，健身室、戲院、Partyroom等娛樂場所需全部關閉，禁令維持14日。現年62歲的鄭裕玲（DoDo）一向注重健康，除了堅持每日早睡早起、維持健康飲食外，平日她亦會勤做運動Keep fit，可惜近日Gym room唔開，Do姐就惟有用自己方法，日日行路當健身，她今日於社交網貼出多張街景、花草照，並留言：「#天無絕人之路 #馬死落地行 #行 #不可以去gym的日子其實幾好，可以欣賞平時沒有留意的㸃滴！」不少網民都留言：「Do姐，好想偶遇你呢」、「好想同Do姐你合照」、「點解我撞唔到你」等，紛紛表示想野生捕獲她，亦有人建議Do姐約埋「發哥」周潤發行山！