就嚟做爸爸喇！
藝人羅仲謙與鄧佩儀為無綫劇集《陀槍師姐2020》開工，剛宣布老婆楊怡佗女的阿謙心情大靚，透露數月前已知胎兒性別，只是一直忍口不提，又表示已為囡囡買齊所需品：「同老婆講依家儲錢唔係買靚車，係買BB車，原來都幾貴，但我好享受去買呢啲嘢，衫、褲、鞋、襪之類，屋企已經有間房畀佢，等佢出世先再裝修。」
談到老婆懷孕8個月，阿謙表示近日輕撫老婆肚皮時感受很深：「呢兩個月佢個肚大得好快，早兩日佢叫我摸個肚，隔住好似有嘢接觸到，唔知係手仔定腳仔，有啲感動同打冷震，會諗佢出世會點，以前就想佢靚女，依家淨係想佢健康。」
而劇中視阿謙為「兵」的鄧佩儀，不諱言現實中不喜歡收兵，對於阿謙將為人父，她笑言暫不羨慕，因現階段事業為重。
來源 source: http://hk.on.cc
|
鍾意就快D Share啦！
|
|
|
