80歲的吳耀漢，一副詼諧搞笑樣，但生個仔吳嘉龍就型英帥靚正，曾經。已經44歲的吳嘉龍，近年一頭白髮睇落老咗好多，日前見到佢更加係一把長髮，唔係F4更加唔似浩南哥，反而有少少夏昭聲feel，仲有啲滄桑感，以前fit爆身形都變得有少少肥仔波，唔通仲為緊儲錢買樓娶老婆而苦惱？
舊時花弗開嘅吳嘉龍，自從同現任馬來西亞籍華裔圈外女友拍拖之後，定性咗好多，大大話話都一齊咗6、7年喇，睇佢哋出街個款都似老夫老妻，事關人哋拍拖係行街濕平、睇戲、食飯呢啲，佢哋就行街市買餸。
當日先見到吳嘉龍一丁友頭岳岳四圍望咗好長一段時間，期間不時露出唔耐煩神色咁撳電話。原來，佢等緊姍姍來遲嘅女友。二人匯合後，行唔到幾步路，女友就被化妝品店舖吸引咗目光，似乎有嘢想買，但吳嘉龍唔耐煩走咗去，女友唯有跟住走人。
佢哋此行目的，原來係去買餸。看似大男人嘅吳嘉龍先係走入菜檔落手落腳揀菜嘅人，真係估佢唔到，反而女友企埋一邊得個睇字。買夠一大袋之後，粗重嘢都係吳嘉龍拎埋。綜觀呢日所見，嫁得過喎。
其實，早兩年已經有傳佢哋有意結婚，但女方家長拜金嫌棄吳嘉龍無車無樓，等緊佢發達喎，呢件事得到吳耀漢開口證實㗎。
吳嘉龍有混血兒深邃眼睛、高挺鼻樑，以及高大健碩身材，再加老竇吳耀漢喺娛圈資歷，點都估唔到佢入行多年仍星運平平，令人跌眼鏡。唔緊要，吳嘉龍無錢，一時三刻啫，佢阿爺吳海霖係九龍巴士以及九龍殯儀館創辦人之一，據聞億億聲留低俾佢老竇吳耀漢，而吳耀漢本身拍戲搵落唔少錢又有買磚頭，曾有傳身家逾30億！吳嘉龍，父幹潛力深厚呀。
吳嘉龍份人獨立有骨氣，講明唔靠老竇俾首期，係要自己儲錢買樓娶老婆。你覺得佢蠢，之但係依家同女友共患難捱吓，好過做二世祖錢來伸手、飯來張口敗晒祖輩身家啦，點睇都係潛力筍盤。
攝錄:李玄
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|