鄺潔楹話豪宅唔係佢嘅，係佢屋企人。
「仙氣女神」鄺潔楹（Judy）日前在疫情下教大家宅在家中的解悶方法，卻意外將她的2000呢豪宅曝光。對於豪宅大公開，Judy謂：「係角度睇嘅問題啫，令大家睇落去好大咁。（幾千喎？）冇呀，但係寬敞嘅，可能我人比較細粒啦。」
鍾意上進心男仔
講到這個豪宅是家人擁有？Judy坦言都是靠家人的努力和能幹下，令她有一個舒適的居所，所以，她都好希望像家人一樣，努力過後能買到一間屬於自己的居所。問到置業會否成為將來男友或另一半的壓力？她謂：「我不嬲都鍾意男仔有上進心，當然唔係一定要買過千呎嘅樓啦，因為大家嘅未來係需要一齊去打拚，最緊要係上進心。」
有畀家用
講到有家底，沒有經濟壓力？Judy強調絕對有經濟壓力：「其實之前我同哥哥一齊住，有經歷過要一齊交租嘅時候，因為哥哥要結婚，所以我就要搬返屋企。」她續笑謂：「當然自己搬出嚟住係好貴啦，咁同屋企人住，至少有湯水照顧。」Judy謂不會白食白住，有給家用：「買餸錢都要畀架，咁我都有少少經濟能力。」她更自爆早前「搶米潮」她有份出去撲米，更抬了兩大包米回家。
來源 source: http://hk.on.cc
|
鍾意就快D Share啦！
|
|
|