大家又點睇？
ViuTV新節目《美女郊遊遊》，請來沈殷怡（Shirley Sham）和陳欣妍（Shirley Chan）這對「Double S」組合帶大家行山，真係心曠神怡。先前兩女仲話拍攝時連續2至3星期、每日10小時行山取景，真係為節目付出咗好多，好辛苦。不過辛苦有回報，片長1分20秒嘅節目宣傳片播出後，一個小時內就已經有3萬多人次收看，真係好誇張。兩女喺山上不斷地表現跳脫，散發出青春氣色。
最誇張嘅係，講緊片中兩女嘅打扮，沈殷怡以水着泳衣配上超短熱褲上陣，每行一步都有碧波盪漾效果，而陳欣妍同以泳衣亮相，效果同樣澎湃大吸眼球。
雖然未知節目賣點，但有網民表示已感受到那股吸引力，但亦有不少網友炮轟二人對行山運動不尊重，以這樣的衣着打扮去行山，有引人犯罪之嫌，甚至錯誤示範了行山人士適當的衣着。不少網友亦加人戰團，留言「以為好有型，其實好cheap」、「引男人犯罪」、「算啦，唔使錢睇吓冇蝕底」、「好核突，唔好侮辱行山運動。」
沈殷怡接受東網訪時就表示：「對唔住同大家開個玩笑，愚人節快樂！首先多謝大家咁關注呢個新節目，『有血有淚』先係我哋想呈現畀觀眾睇嘅嘢，用最大嘅勇氣去克服我哋兩個嘅弱點，跳出我嘅嘅框框，畀你哋睇到一個非一般的本土行山節目暨Shirley育成show！」陳欣妍就話：「祝大家愚人節快樂！條片只係想同大家開個玩笑，呢個節目係個非常專業嘅行山節目，好認真行山，仲行得好辛苦添！」節目監製阿包亦澄清只係宣傳噱頭：「尋日嘅宣傳片只係愚人節嘅Gimmick，節目重點係透過行山、高難度任務，發掘佢哋嘅另一面。兩個Shirley畀人啲印象好唔捱得苦，但希望透過呢個節目嘅任務，逐步見證佢哋嘅成長。」
來源 source: http://hk.on.cc
|
鍾意就快D Share啦！
|
|
|