【趁住520】「胡說八道會」難得飯聚 胡杏兒大仔搶晒風頭胡杏兒兩歲多大仔Brendan在一班契媽身邊好搶鏡。趁住昨日「520（我愛你）」這個甜蜜日子，好多藝人都趁機向愛人或者粉絲示愛，朋友之間的愛當然亦好值得珍惜，所以約埋三五知己聚會都係唔錯選擇，出名好姊妹的「胡說八道會」成員，呢日就繼農曆年後再次聚首，姚子羚貼出兩張合照，並留言：「Precious Time（心）520」雖然少了黃智雯，但看來她們難得姊妹飯聚都玩得好開心，不過最搶鏡反而是胡杏兒兩歲多大仔Brendan，一時舉起Ｖ字一對就申出條脷仔，所以契媽姚子羚都忍唔住hashtag話：「Brendan so cute」，相信大家都唔會有異議。今次聚會除了姚子羚和胡杏兒，仲有胡定欣、胡蓓蔚和李施嬅。 Brendan申晒脷仔搶鏡，真係好鬼 cute。 「胡說八道會」上次聚會已是農曆新年。
