離婚後首次露面 阿嬌以「鍾小姐」身份受訪
鍾欣潼（阿嬌）與台灣「醫界王陽明」賴弘國驚爆婚變後，阿嬌變得低調，未有公開現身，直至日前（5月18日）Twins成軍19周年，她才喺社交平台晒獎抒發合作感受。閉關多日嘅阿嬌終於喺內地一個社交網上現身喇！一段名為「不願透露姓名的鍾小姐，祝大家不要再迷失自我」的短片中，雙眼打格及戴上口罩嘅阿嬌以「鍾小姐」身份接受訪問。
被問到幾時發現自己靚女？她說：「在廣東打工時候，人人都叫我做靚女，我就迷失了自我。」最後她刻意垂低頭露出雙眼，畀人睇到真面目，好搞笑！還tag「祝大家不要迷失自我，520快樂呀！」原來上月她同一個妝頭及穿着同一件白色T恤為公司賬號拍了段宣傳片，計返當時與賴弘國簽下分居協議書一個月，真真正正係「鍾小姐」身份，分居後首次現身都和顏悅色，睇嚟心情不錯呢！
來源 source: http://hd.stheadline.com
|
鍾意就快D Share啦！
|
|
|