ViuTV真人騷節目《美女郊遊遊》播出時引起不少迴響，兩位美女主持「Double S」 沈殷怡（Shirley Sham）和陳欣妍（Shirley Chan），着住三點式上山下海，介紹香港郊外風景，性感造型亮相備受網民關注，兩人舊照亦相繼被翻出，前後照對比，簡直判若兩人，尤其是陳欣妍這幾年間的分別實在太大。
現年26歲的陳欣妍於2016年出道，原來她在正式出道的前3年，曾以原名陳曼姿報名參加銅鑼灣地帶型男潮女大賽，但十強止步。有網民發現陳欣妍五官大執位，參加比賽時還是扁鼻樑，如今變成高鼻樑和尖下巴，簡直今非昔比，很多網民都說很難認出是陳欣妍本人。而25歲沈殷怡在上海復旦大學法律系畢業後，回港入中大讀碩士，2014年參加中國地球小姐奪冠，前年加入ViuTV，曾在《詭探前傳》一劇和鄭少秋演父女角色，直至主持《辣伙頭》、《美女郊遊遊》後多了人關注，最近有網民翻出沈殷怡臉圓圓的舊照，最顯眼是雙眼皮和一排整齊的牙齒。
沈殷怡今日回覆《蘋果》否認整容，她說：「梗係冇喇，我同媽咪真係好似樣，遺傳晒媽咪好嘅嘢，唯一係箍過牙，我細個嗰陣係哨牙，而家整齊晒，所以冇整容隆胸呢回事，清者自清。」至於樣貌最大變化的陳欣妍回應時，卻避重就輕說：「哈哈，我的確係靚咗，啱啱大學畢業嗰陣，我個人病咗，突然間暴瘦，最初都覺得好開心，唔使做運動都瘦，而且仲覺得靚咗，但係慢慢覺得好似出咗問題，由58kg到去41、42kg，真係太誇張，呢個係我人生最瘦嘅時候，搞到情緒都出現咗問題。」陳欣妍更說情況懷到令媽咪擔心：「手又震，條頸又腫大，眼又有啲凸，媽咪咪即刻帶我去睇醫生，原來係甲狀腺有啲問題，而家情況穩定番，不過我都keep住食藥，所以如果大家覺得我靚咗，係好事嚟，但係點都好，最梗要係身體健康。」
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
