掃呢頁CODE去手機

2020年5月5日 星期二

【圍爐取暖】撐警阿B作曲 周柏豪主唱 689維穩組織聽日出新歌 #689 #周柏豪 #梁振英 #鍾鎮濤 #阿B

去年反送中運動出現不少社運歌,《願榮光歸香港》無人不曉,連藍絲都要偷曲改歌撐警,不過政府3月實施限聚令,一個月之間由防疫措施,變成被警方濫用以驅趕香港 ...






去年反送中運動出現不少社運歌,《願榮光歸香港》無人不曉,連藍絲都要偷曲改歌撐警,不過政府3月實施限聚令,一個月之間由防疫措施,變成被警方濫用以驅趕香港人「和你唱」的萬能Key,黃絲們要重現往日大合唱的場面困難重重。

選擇性執法下,黃絲唔唱得,藍絲以後有新歌唱,前特首董建華及梁振英最近籌組「香港再出發大聯盟」維穩。新組織成立了個幾星期,終於有動作,其YouTube專頁預告,明日(5日)朝早將會有主題曲《再出發》首播。雖然歌就未有得聽,但該條預告已經有歌曲班底、歌手、歌詞等資料,理所當然地見到自己友,包括撐警鍾鎮濤負責作曲、簡嘉明填詞、葉澍暉編曲。預告亦有鳴謝英皇娛樂及星夢娛樂,所以主唱歌手方面都熟口熟面,包括周柏豪、菊梓喬、無綫兩將鄭俊弘及胡鴻鈞,英皇方面就派出泳兒及許靖韻做代表。

不過主唱之一的周柏豪,上年曾呼籲登記做選民被大陸賜封「港獨豪」而封殺,今次成為主唱歌手,以後藍絲要將片段轉載到微博,是否要遮樣同改名佚名先過到強大審查?

-----------------------------

App內1-Click訂閱《蘋果動新聞》

按此了解更多


鍾意就快D Share啦!