瞓唔到已經慘，加埋仲要頭痛背脊痛！
今日凌晨暴雨襲港，天文台更一度發出黑色暴雨警告信號，早前宣布懷有第二胎嘅前港姐陳凱琳（Grace）同唔少人一樣，慘被雷聲搞到冇覺好瞓，不過佢仲突然頭痛標冷汗兼背脊痛，認真慘慘慘呀！
佢喺社交網話：「昨晚可以話係一波三折⋯⋯首先唔知道點解瞓瞓吓個人突然之間標冷汗，加埋個冷氣吹住令到我個頭開始有啲痛。飲完杯暖水終於瞓番嘅時候，畀轟然的雷聲嘈醒咗，相信大家都聽到有幾咁厲害！再瞓番冇耐就到個背脊戚住戚住痛，可能係個肚開始大令到某一啲部位會容易疲勞⋯」
不過佢就識得自我安慰同祈禱，相當正能量：「雖然整晚都覺得好唔舒服，但係我叫自己唔好驚，不斷祈禱，正所謂雨過天青～我要鼓勵自己，無論遇到咩問題嘅時候都要remain calm & think positive，明天會更好！」唔少網友大呼好心痛，連好友黃翠如、黃嘉樂同楊潮凱都紛紛留言叫Grace加油！
來源 source: http://hk.on.cc
|
鍾意就快D Share啦！
|
|
|