袁偉豪在節目中向女友張寶兒公開愛的宣言，張寶兒即時冧爆。
藝人袁偉豪（Ben）與好兄弟周柏豪主持的無綫節目《兩個小生去Camping》，今集講到二人摸黑起床等睇日出，之後齊齊煮早餐，柏豪以徒手整紙煎Pan炒蛋，歎完早餐就等待老友到場探班。
未幾黃翠如、連詩雅（Shiga）及Ben女友張寶兒現身，寶兒更帶同私家暖壺給男友，之後寶兒及翠如跟隨Ben到魚排釣魚，眼見Ben處處照顧女友，還專登搵塊木板方便她過木台，翠如即投訴：「你女友就有板，我淨係得條繩。」Ben即反擊：「咁你叫阿蕭（蕭正楠）嚟囉！」
眾人晚上舉行戶外聚餐，惟女子組卻非常論盡，下廚時不時跌食物落地，幸好最後終能完成一道炒意粉，及後眾人圍着談心，Ben大讚寶兒非常有思想，不明白外界為何誤解她：「話佢冇腦，其實我同佢一齊反而唔使用腦，過去3年佢成就咗我好多，所以我決定未來會成就番佢。」寶兒聽到Ben愛的宣言，即時冧爆。
來源 source: http://hk.on.cc
|
鍾意就快D Share啦！
|
|
|