52歲魏駿傑與32歲重慶嫩妻張利華離婚收場，是很多老夫少妻中港婚姻的寫照。
對於張利華向本刊暗示，六年來沒夫妻性生活，更以「情感缺失」形容自己在這段婚姻中有多寂寞難耐，甚至她為婚外情公開認錯，魏駿傑一點也不為所動，早已心死的他，只冷冷拋下一句：「再唔走就真係太遲！」
以待友論回應
這對年齡相距二十年的夫婦，自15年女方與單車手鄧宏業傳出緋聞後，屢傳婚變。直至年初，本刊斷正張利華與老外Banker的婚外情，早已名存實亡的婚姻，正式劃上句號。日前張利華向本刊作離婚剖白，將婚姻破裂歸咎於二人性格南轅北轍和年齡差距，以至步伐及價值觀嚴重分歧。
現在與女兒相依，魏駿傑定意不再讓其他人和事影響心情，就算被前妻揭私隱，暗示六年夫妻情淡薄至沒有性生活，他如常出動去買餸，去完街市買雞，再到超市買菜，期間怕自己買漏東西，拿出清單細check。
對於張利華讚他有胸襟，贍養費方面做到足。挽住一大袋餸菜的魏駿傑，搬出待友論來回應：「聽晚有人嚟（屋企）食飯，係一位識咗30年嘅戰友。我準備整韓式鹽酥雞、日式豆腐、魚香茄子招呼朋友。你諗吓，我招呼朋友係幾咁用心。」言下之意，儘管前妻有婚外情，在贍養費方面恩待她，出於他待人之道。
「再唔走變落湯雞」
談到前妻為婚外情認錯，早已傷透的魏駿傑並沒動容。被問到對方悔罪是否來得太遲，他指着天上烏雲，以天氣喻離婚，一語相關說：「嗱，呢啲嘢咁講，見唔見到天上片烏雲，再唔走就真係太遲，變落湯雞喇！」為了女兒的緣故，魏駿傑一直非常按捺，年初張利華被揭背夫偷食老外，他也沒激動怒罵，只搬出佛偈回應：「緣聚而生，緣散而滅，人生四然，來是偶然，去是必然，盡其所然，順其自然。有情所造諸惡業，皆由無始貪瞋癡，從身語意之所生，一切有情皆懺悔。」
- 夫妻關係一度好轉，拍拖去滑雪，可惜始終不能挽回。
「話冇條刺係呃你」
其實二人變成「冇性」婚姻，可能源於張利華與單車手鄧宏業的緋聞，魏駿傑曾說：「刺，話冇就梗係呃你，我又唔係聖人，但係佢要改變囉，佢要畀番信心我。」可惜張利華卻選擇了另一條路。講到年齡、體力和興趣的差異，他以電單車和單車作比喻說：「你仲叫我爆單車呀？爆一百公里呀？我點陪你，我都想，我真係想，係咪先。冇共同話題，因為冇互相遷就過興趣，互相讓步，我咪揸電單車去追住你踩單車囉，呢個係咪讓步吖？但係唔Work嘛！」
港星遇上大陸大學生
雖然魏駿傑與張利華最終離婚收場，但愛情故事的開始，總是美好的，他們也不例外。07年，魏駿傑與滕麗名的九年情已到分手邊緣，當時快踏入四十不惑的他到重慶拍劇，一次朋友飯局，遇上未夠20歲的重慶郵電大學體育系學生張利華。
田徑場的體界尖子，跟香港小生一見鍾情，張利華性格大膽，之後主動來港跟魏駿傑同居。
舊愛和新歡無縫交接，魏駿傑被外界狠批，為張利華一度賠上事業。不過，愛得義無反顧的他，之後索性離開無綫，北上發展。
張利華「落注」快盡狠，08年跟魏駿傑結婚，抓實這張香港長期飯票，但性格與年齡的差異，一開始已註定走上分岔路。
拿了身份證即賣保險
婚後不久，張利華成為人母，但在香港這個花花世界，做少奶奶已滿足不了她。魏駿傑曾經是她的美夢，但她想要更多。她，打入不同社交圈，狂操自己變成周身刀，考船牌、健身教練牌、學打高爾夫、接受單車及三項鐵人賽訓練。
他，自覺老來得女，將所有時間、心力放在家庭。
兩個人愈走愈遠。
去年張利華拿了香港永久身份證，即入行做保險經紀，跟前影星、現為宏利保險高層之一的王玉環搵食。
她在魏駿傑愛護、蔭庇下長大了，終於預備好離巢高飛。
現在二人剩下的，只有回憶和九歲的女兒。
----------------------------
壹呼百應 號召有心人 請香港人睇壹週刊
按此了解更多
----------------------------
APP 內訂閱
1Click 搞掂 輕鬆簡便
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|