掃呢頁CODE去手機

2020年6月3日 星期三

李佳芯:跨台戀愈難愈愛!TVB同ViuTV原來都可以「擦出火花」 #TVB #Viu #ViuTV #李佳芯

唔同台都可以拍拖嘅~TVB同ViuTV點講都講唔「埋」,但藝人就戀愛大過天,無懼被電視台棒打鴛鴦,有時仲愈難愈愛添!李佳芯陳炳銓最為人熟識嘅「跨台戀」 ...




唔同台都可以拍拖嘅~


TVB同ViuTV點講都講唔「埋」,但藝人就戀愛大過天,無懼被電視台棒打鴛鴦,有時仲愈難愈愛添!


李佳芯陳炳銓
最為人熟識嘅「跨台戀」一定係佢哋,雖然李佳芯(Ali)貴為TVB一線花旦,同陳炳銓經常被指「女尊男卑」,但佢冇嫌棄男友,仲愈愛愈高調,由收埋戀情到公開讚揚對方!去到近年,Ali因為捲入政治風波而被雪藏,劇集《BB大晒》及《白色強人2》接連被飛起,前路茫茫,貴為視后嘅佢由天堂被打落凡間,但陳炳銓繼續相伴左右,度過難關。


張振朗楊偲泳
上位小生張振朗2018年與34C咪神陳芷尤分手後,去年被爆撻着32D有「巨咪陳妍希」之稱嘅ViuTV小花楊偲泳!兩人戀情被爆後,索性大方拍拖,張振朗講到謝絕異性借宿,向女友派定心丸,而楊偲泳就大讚男友係個暖男又溫柔細心,而私底下亦不時喺社交網耍花槍,感情穩定!


沈震軒陳欣妍
入行10幾年嘅沈震軒緋聞不斷,不過近年修心養性專心工作,早前就重返無綫拍劇更升呢男一!事業得意愛情都好得意,去年就被爆拍微電影時戀上ViuTV女神陳欣妍(Shirley),雖然兩人相差10年,但無礙戀情發展!而早前陳欣妍拍《美女郊遊遊》時比堅尼上陣行山被批唔合適,但沈震軒就力撐健康性感係OK!拍拖短短1年幾,沈震軒已經公開話視對方為結婚對象,隨時好事近呀!



來源 source: http://hk.on.cc
鍾意就快D Share啦!