睇見都痛…
組合Super Girls成員Aka（趙慧珊）一向好有愛心，仲去埋流浪狗場幫手，不過尋日就不幸發生血案！
Aka透露搬物資到流浪狗場，第2次同狗狗見面，佢哋都走出嚟歡迎佢，點知：「當我蹲下摸其中一隻狗狗時，頭30秒都好開心，但突然半秒間，狗狗張口撲我臉咬了一下，嗰下好痛，我用手掩着嘴，成手是血，我不敢想像我的嘴還在不在，又或是咬爛到甚麼形狀…」佢不斷喊同問點算，自言危機處理感極低：「拿了鏡照，就是血，腦裏一片空白…」朋友立即送佢去醫院，媽媽、妹妹及妹夫都有同行。最後縫咗9針，打咗破傷風傷針，要安排打瘋狗針！而佢就上載咗張傷痕照，見佢上唇有明顯傷口，唔少圈中人包括謝安琪、周柏豪、林欣彤及一班隊友都安慰佢，叫佢小心護理傷口，祝佢早日康復！
雖然係咁，但Aka都仲識講笑話：「眼睛好像仲恐怖，因為哭太耐，腫到雞蛋咁😅」又話會好好學習如何跟狗狗好好相處，又溫馨提示大家：「不是自己養嘅狗狗，牠們可能不明白你的動態，所以要小心！」佢最後叫大家唔使擔心，會好好休息！
Aka接受東網訪問，對於畀狗咬，佢就話：「謝謝大家關心，尋晚都成晚瞓唔到，最擔心是破相，依家個嘴分2層縫針，所以主要是媽媽煲了粥水同飲管飲，好多朋友慰問覺得好多愛，所以感恩，依家郁到佢先痛，仲係好腫，醫生話2隻抗生素一齊食，一星期可拆線。」問有冇工作要改動？佢話：「暫時Hold左Events，但因禁聚令，都有可能Delay，希望可以快點好番，因月尾有個廣告硬照拍攝，但我對自己有信心，因為我成日做運動。」
來源 source: http://hk.on.cc
|
鍾意就快D Share啦！
|
|
|
