60年代著名少女漫畫《13點》作者李惠珍上月因病離世，將於本月29日舉行守靈彌撒，她的筆下角色13點是當年香港萬千少女的時裝指標，本地時裝設計師鄧達智與李惠珍母女相識20載，更曾為李惠珍復出漫畫壇時出的漫畫書寫過序言，對於好友離世感到相當婉惜，亦有在facebook出帖文留言：「R.I.P. 13點 李惠珍姐姐」。
《蘋果》聯絡了鄧達智，他訴說二人相識經過：「我識佢個女在先，佢個女當年喺生活雜誌做，經過佢囡囡先識到李惠珍，我識佢嗰時佢40、50歲，佢衣着都好摩登，佢本身性格好斯文樂天，唔似13點嘅性格，佢當時同王澤《老夫子》旗鼓相當。97年我有份喺藝術中心參與一個名為『香港時裝50年』的展覽，有份選佢係香港時裝嘅代表人物，佢係香港時裝界一個好重要時裝人物，當年外國時裝雜誌喺香港未普遍，佢呢本幾毫子嘅漫畫書係香港唔少人嘅時裝啟蒙，佢畫嘅公仔靚，有時裝觸覺，而故事人物有層次。我自己小學時候開始睇，肯定受到佢嘅漫畫啟蒙，令到時裝畫圖有興趣。」
鄧達智認為李惠珍是一個fashion sense好強的漫畫家：「佢嘅作品嘅時裝有夾雜歐洲同中國風，媽咪唔係永遠長衫，人物鮮明，係香港懵懂時光，時裝少人認識嘅年代，呢一本《13點》出現，令到人可以去睇靚衫，真係有唔少人拎住佢嘅漫畫去畀裁縫。佢嘅設計唔係亂畫，係好有脈絡，佢自己讀美術出身，佢有睇唔少外國時裝雜誌，你睇漫畫入面13點會去剪bob頭，佢真係識設計時裝，如果用二次創作層面，佢係漫畫界嘅時裝設計師，佢嘅作品而家睇返都唔過時，都仲係好摩登，佢絕對係獅子山下嘅傳奇人物。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
