73歲汪明荃被封為「時尚教母」，擁有無數華麗靚衫的她，今日在社交網貼曬衫相，目測起碼超過200件，排滿幾張長枱和衣架，「曬衫陣」場面認真墟冚，網民羨慕留言：「有地方曬衫真好」、「阿姐真係好多靚衫」、「呢啲係你努力工作得來嘅成果」。
阿姐和老公羅家英家住市值近1億萬的西貢獨立屋，單是平台花園的面積就逾千呎，更擁有360度無敵海景。今日陽光普照，阿姐在花園曬衫，原來這是她從小養成的習慣，當年住北角舊樓，頂層有大天台：「每年放暑假，媽咪都要我同家姐細佬負責將家中各人的冬天衫、棉胎等搬上天台去曬太陽，是一個好大嘅工程，仲要連續曬2日，確保所有衣物都清潔 、殺菌、冇蛀壞、冇發霉，咁做啲衫就可以着耐啲、襟啲。仲記得曬衫嗰陣我會擔櫈仔坐定定睇公仔書、武俠小說，因為我要守住／睇住啲衫、驚俾人偷咗呀！......童年的快樂時光。」
連「豹嫂」胡蓓蔚都留言：「D衫會唔會靚得滯」阿姐回應：「對住成堆衫，我諗緊究竟用咗幾多錢同埋心機，為咗演出好，可以去到幾盡？值得嗎？」阿姐果然是阿姐，夠專業。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
