2020年亞姐香港區決賽今日在大埔亞視總台舉行，仁美清敘主席程瑤、星酷影業有限公司董事王海平、台灣名模余佳噥及鄧健泓等擔任評審，選出冠、亞、季軍及「最上鏡小姐」等多個獎項，但要等到本周六（7日）才會在香港開電視錄播。
鄧健泓今晚擔任表演嘉賓及評審，訪問時開心地表示今晚是攞正牌睇女仔：「自己喺審美方面都有好獨特眼光，靚嘅標準非常之高。」他在化妝間見到候選佳麗，但笑言太太在身邊而不敢亂望，評審標準會先看談吐、內在美，但最重要是：「差唔多要同太太（石詠莉）咁靚！」蘇永康今晚亦是表演嘉賓，鄧健泓說見到阿公，好有返回「正東」年代的感覺。早前鄧健泓為伍仲衡的Live獻唱，反應不俗，他透露本月14日會在網上開Live唱歌：「到時會唱10幾首歌，好似半個演唱會咁。」
同樣是表演嘉賓的天堂鳥，成員許俊豪（Lincoln）表示在後台已見過佳麗，但他笑言要睇住剛求婚的拍檔歐喬鋒（Tyrese）亂睇女仔，Tyrese聽完即說：「我都冇興趣。」Tyrese現時眼中是有未婚妻，他說：「呢啲專重嚟，呢種場合少不免都要避忌吓。」Tyrese笑言公佈後即有人問「係咪有咗？」，他笑說：「絕對唔係，結婚係有計劃㗎！」他坦言想盡快生仔，但仍要等未婚妻決定。
2018 年香港區冠軍梁雪瑤賽前已經有晒心水，覺得4號張玥夠高，8號高文君勝在笑容甜美，而5號何雙妍就斯文大方。梁雪瑤與亞視仍有合約，獲公司都安排節目有工開，最近亦有新歌《二人總比一人好》派台，下月會有另一首歌推出，兩首歌合共自資了6位數字製作，之後想嘗試填廣東歌歌詞。她說有經濟壓力，靠積蓄、投資捱過疫情：「唔會出碟，大趨勢都係網上平台，Youtube點擊都二萬幾，我預咗冇錢賺。」她又指有建築、設計、銷售等小生意，就算亞視屢傳亞視困都冇冇影響。至於仁美清敍主席程瑤今日就兼任亞姐大會評委、亞姐儀態導師，她同樣睇好4 號張玥，有指今年亞姐選美較往年冷清，她續說：「冇辦法，因為疫情關係。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
