蘇永康（阿公）今晚現身《2020亞洲小姐競選》香港區決賽現場，見他身形脹了不少，他直言：「都正常嘅，不過已經瘦返8、9磅，因為嚟緊都有工作，肥唔緊要，但唔好長期肥。最近自己做咗個好全面嘅身體檢查，咩鏡都照晒喇，冇事，亦都冇三高，就連隱性疾病都驗埋，因為媽咪係直腸癌，爸爸係胰臟癌，同Wilson（錢國偉）一樣，所以我都係高危，我一定要身體健康，我個仔得3歲咋！」
講起上星期病逝的Wilson，阿公稱有與錢太陳苑蔚通電話，送上鼓勵，阿公表示，對於Wilson的後事委托了演藝人協會去處理，令他十分放心，屆時亦會出席。
提到阿公曾表示會幫助陳苑蔚，問到對方是否真的在經濟上有困難，阿公稱，因為在2014年，Big Four（許志安、梁漢文、Dicky張衞健及蘇永康組成的組合及音樂計劃）幫Wilson求婚，又見證他們的小朋友出生，所以阿公認為與Wilson是多年兄弟，無論他的遺孀是否真的有經濟困難，都一定會幫手。阿公講起故友，勾起不少回憶，當中包括Big Four在2010年開騷時，剛好Wilson捲入官非，被廉政公署人員帶走，但他離開後，便立即返演唱會現場，默默睇騷支持，令阿公印象深刻。
對於好友突然離世，阿公坦言因為Wilson無想過自己會過身，所以也沒有交帶後事讓如何處理，所以阿公日前相約許志安及Dicky吃飯時，話題都是圍繞如何辦理Wilson的後事。而阿公上星期亦以Wilson的名義，捐了200個齋給老人家，當為故友做功德；事後阿公聯絡過陳苑蔚，原來Wilson兩公婆亦已轉食齋。
提到今日擔任亞姐的表演嘉賓，阿公笑說是去睇佳麗：「我唔係冇興趣（睇女仔），我係正常嘅男人，雖然我有太太，不過我陣間先睇啦……」他坦言今天到場是為「還債」，阿公憶述當年亞視開台，不幸撞正自己患大感冒，病足兩星期，食類固醇都冇效，把聲都壞埋，更走音走到尾，令他十分不好意思，還主動與何生（何麗全）提議退還演出酬金，所以今次以友情價演出，當作還債。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
