佢哋呢Pair真係做咩都係放緊閃！
藝人馬國明同湯洛雯（靚湯）拍拖後，唔單止常出雙入對，仲成日喺社交網上互動，真係好Sweet。靚湯喺網上甫靚相，馬國明都會支持畀like。今次靚湯就上載咗一張着上白恤衫坐喺床上晒白滑長腿嘅靚相，不經意嘅性感，十分誘人。佢留言：「每天都在學習長大，忽然覺得，其實所謂的成熟，也許就是努力試着愛上人生的不完美罷了！」
靚相一出，網民當然大讚，仲讚佢仙氣十足，但當中發現佢妹妹湯樂瑤留言，問佢點解會喺佢間房？被篤爆用咗阿妹房影相嘅靚湯即時還擊：「因為你借咗我件外套，所以我用番你間房。」網民笑佢同阿妹感情要求，點解要咁計較。而馬國明懶理兩姐妹網上互篤，畀咗三個流晒口水嘅表情圖案，靚湯張相成功「色誘」到男友。
來源 source: http://hk.on.cc
|
鍾意就快D Share啦！
|
|
|
