銀碼可以高到想像唔到！
日前1名17歲青年報案，指早前透過社交應用程式，遭人以其裸聊影片勒索1萬港元。唔少藝人都有遇到一啲陌生人透過社交平台或者電話，傳來不雅內容或者邀請約不道德飯局，等佢哋逐一細說！
戴祖儀：「最誇張，不過都唔係好誇張，印象中有一次，有個人私訊問我可唔可以陪佢去台灣，每日畀20萬港幣，去4日3夜，明碼實價，之後cap低留言傳畀朋友笑吓，哈哈，原來我都值20萬，跟住笑完就算。」
黃榕：「我會喺社交平台放性感相，佢哋就會係我張相留言，話睇到都好興奮，附帶一張下體相。亦試過有人私訊我問我可唔可以去飯局，酬勞係10萬蚊，我拒絕之後不斷加價到100萬，我當然冇理佢，仲封鎖埋。有一次仲試過私訊搵我拍文藝電影，話會有床戲，要真做同埋錫男主角下體，講明套戲只會私人放映，聽聽吓覺得個男主角就係投資者，仲話幾多錢都可以畀，最終我當然冇理」
楊埕：「我諗唔單止我，好多人都有喺社交平台收過好多無聊訊息，不過通常我都唔睇唔理，直頭唔睇啲外人訊息。」
Odilia@Bingo：「我試過收到嗰啲核突相，嗰時髮型師幫我整緊頭髮，我即刻好尷尬咁delete佢。我有時收過私訊，話『好想舐你腳趾』，一睇完我笑吓就算啦，又試過收到嚟自澳門嘅私訊，開唔知幾百萬邀請我過去酒店嘅晚飯，乜都唔使做，我仲講笑叫經理人過咗去先，當然最後冇應承到。」她又謂收過包養的私訊：「當然我冇覆佢啦，我又試過開直播，有啲人想一齊用視訊加入聊天室，我唔知乜頭乜路接受咗，點知就見到啲嘢郁吓郁吓，我就即刻刪咗佢，最慘嗰時有其他聊天室嘅人見到。」
可宜：「我喺網上曾經收到一位不知名男士，成日Send啲下體嘅Video畀我，啲片仲有動作，真係好得人驚，删除咗同block咗佢後，佢會再用一個新帳戶再send畀我，依家如見到類似相同Video，我已經嚇到唔敢開嚟睇。另外，幾個星期至1個月前，我又收到有人約我去做私人伴遊，對方仲話唔會周圍同人講，有時有啲人又會約我去6星級酒店，問我可唔可以喺酒店過一夜，帶去我Shopping，仲有次又有人用30萬約我去飯局，我唔理佢又話加到100萬，心諗點會咁？覺得好好笑，收到呢啲訊息，我係一定唔會回覆，因為我好怕畀人截咗圖，唔知佢將會做啲乜嘢。」
來源 source: http://hk.on.cc
|
鍾意就快D Share啦！
|
|
|
