前亞姐黎淑賢（Bonnie）愛貓如命，又有一個幸福美滿家庭，今日本身就係520浪漫日子，點知佢凌晨就上載多張受傷照，見佢手、腳、耳後滿布恐怖血痕，真係睇到人心慌慌！原來佢被家中豹貓「Moser」襲擊，更還原意外，指本身佢見Moser咁可愛跟佢入廚房，佢就一手抱住愛貓，原來貓貓好怕鑿冰聲音，一聽到聲就變得勁驚恐，跟住就失控襲擊主人，搞到Bonnie全身體無完膚，難得係佢咁都冇嬲，不過就要急急入醫院去治療呢啲「520愛的烙印」。
佢續表示因為流血不止而要去醫院，佢自己心口傷口最深，又要打破傷風針，不過就慶幸自己唔使聯針，多個傷口都好好包紮就可以返屋企。之後佢又晒出今次去醫院嘅費用，忽然就唔見咗2千幾蚊，不過破財擋災，冇事就好。
豹貓本身係受保護野生動物，根據香港法例，捕捉或管有任何受保護嘅本地野生動物或其部分，必須預先向漁護署申請特別許可證。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
