2014年12月26日 星期五

[忽然1周 - 1013] Eason撐 Sammi個唱 陳裘大攬女捧場 high爆 Sammi,陳奕迅,Eason,許冠傑,Sam,鄭秀文,MW,




鬼馬嘅 Sammi同 Eason講:「知唔知點解我請你上嚟唱〈歲月如歌〉?因為我套戲(《衝上雲霄》電影版)農曆新年上。嘻嘻,乘機賣吓廣告!」

媽咪姐

Eason撐 Sammi個唱 陳裘大攬女捧場 high爆

呵呵!各位見到呢輯相嘅時候,無錯!我媽咪姐已經睇咗全城撲飛、 yellow cow都出埋嚟嘅 Sammi演唱會嘞。 Yeah! Honey萬歲,咁都俾你買到飛,你是最好的! Kiss Kiss Kiss!








輸獎如刷牙

周一( 22日)晚, Sammi着法國玩味品牌 Schiaparelli Couture大褸唱〈輸得漂亮〉,仲話提名過十幾次影后,但輸到好似刷牙咁,變咗習慣。天后真係睇化晒。

嗱嗱嗱,大家唔好葡萄住,我媽咪姐有邊次有好嘢會漏咗你哋㗎!已經做好晒成個 show精選推介呢。不過識睇,梗係睇埋嘉賓!好似周一晚( 22日)嘅 Eason,一上台就俾 Sammi爆料:「你記唔記得有次我哋一齊喺內地出 trip。你半夜 3點幾 4點打俾我,我已經瞓咗。但你指教我唱歌,同我講話唔應該係咁唱。咁傾咗成個鐘之後,我帶住好眼瞓同感恩嘅心情繼續瞓。」

Wakaka,全場聽完,即刻爆笑,吹神仲笑住答:「我知道神會原諒我嘅,所以我先至會有咁大膽去騷擾你!我跟住都有打俾安仔,都煩咗佢個幾鐘。( Sammi:你又指教佢唱歌呀?)嘻嘻,唔係唔係……」跟住 Eason就唱〈歲月如歌〉,無答嘢。吖,你哋曳曳嘞!

不過,媽咪姐聽聽吓歌,竟然睄到神爸陳裘大,佢身邊有位帶強國 feel嘅女子㖭,兩個人睇騷睇到企晒起身好鬼 high!神爸仲忍唔住輕攬呢位強嬸, wow!台上台下都咁 hot呀。

之前自爆拖 Eason去夜蒲,累老公變爛聲嘅徐濠縈,呢晚乖乖坐定捧場,但同老爺分開坐。通氣囉!

陳裘大一見阿仔 Eason上台,即刻同呢位強國味濃嘅女伴彈起身,狂影相。睇到 high時,仲攬埋腰㖭, so happy!

幾個月前,陳裘大先同另一位戴眼鏡嘅女士,披住情侶頸巾遊西貢。 69歲嘅神爸真係……

Sammi同觀眾講,依家操到得 99磅。點知有人嗌好肥, Sammi笑住鬧:「仲話肥?你真係無人性。」

辣身舞點少得! Sammi用咗兩個幾月排 3 part快歌,絕不欺場。

今次舞台設計都幾落本,呢個可以瞓低企高嘅仿教堂機關幾有氣勢, fit晒 Sammi啲福音歌!

99年, Sammi同古天樂拍大台劇《寵物情緣》傳過緋聞。但天后主動請古仔做頭場嘉賓,呢啲咪叫「事過境遷」囉!

晚晚有新裝

Sammi跨年 show連開 12場。驚大家會悶,晚晚有新裝。呢個印第安 look就喺周一( 22日)晚先出現。

安仔在後頭

有報道話喺大陸做嘢嘅許志安,特登趕返香港𥄫實許太。查實呢,呢 pair咁多年都鍾意玩低調嘅,官方發相都要企開幾個身位。想睇許氏夫婦合唱?寄望嚟緊嘅聖誕同元旦

Sammi開騷,一票難求。有飛睇嘅紅姑,喺後台開心到癲咗,好少見呢。



鍾意就快D Share啦!
Related Posts Plugin for WordPress, Blogger...