| 張致恒表示鍾舒漫（右上圖）因為上呼吸道受感染滯留上海，日前她與妹妹在當地錄影節目。 | next 1/1 pre |
 | |
| 張致恒坦言最近與好拍檔關智斌（小圖左）各有各忙。 | next 1/1 pre |
 | |
| 鍾舒漫（右圖右）與妹妹鍾舒祺近日在上海錄影節目，鍾舒漫不幸受上呼吸道受感染滯留上海。 | next 1/1 pre |
藝人張致恒（Steven）原定與鍾舒漫（Sherman）出席聖誕活動，可惜Sherman因病缺席，問知否對方生病？他說：「尋日已經知，都有問候佢，知佢滯留咗喺上海，我同佢講笑話叫佢好好休息唔好返落嚟住，廢事傳染畀我哋。」由於上海天氣寒冷，Sherman可能因而着涼，Steven亦送上祝福，望她早日康復。
替關智斌頂酒提升酒量
問聖誕節如何度過？Steven當晚與友人在家開派對，品嘗飲威士忌：「以前覺得飲啤酒好男人，愈大覺得啤酒唔好飲，反而威士忌好好飲。」而女友當晚亦有一齊慶祝，但沒有飲酒：「佢要睇住我，同埋佢唔飲得，（唔過二人世界？）拍拖日日見，加上前排去咗日本，要同朋友聚吓。」他笑言因關智斌（Kenny）的關係令酒量改善：「我以前唔飲得，但Kenny仲易醉，嗰陣要幫佢頂酒，佢醉咗會發呆同傻笑。」
談及未來計劃，Steven有意推出服裝品牌及拍劇：「遲啲會拍套古裝劇，要學吓古人嘅技巧，（想做第二個張繼聰？）我想做張致恒多啲，始終做藝人要多方面發展，（繼續唱歌？）我4月出過福音碟，希望明年開小型音樂會。」
計劃乘車往廣州
至於Sherman的病情，其唱片公司回覆指她在聖誕期間與妹妹到上海錄電視節目，期間受到上呼吸道感染，但病情不嚴重，持續有輕微發燒，今日在上海回港時無法通過安檢而滯留上海，幸有妹妹照顧，唱片公司指Sherman身體沒問題，或會乘車往廣州，昐明天能直接回港。
|
鍾意就快D Share啦！
|
|
|
