全城熱爆的娛樂八封新聞 & 時事趣聞 & 生活 + 趣聞
林善見到劉頌銘嗰陣，笑晒口咁將份禮物遞俾「爸爸」。依家林善同婆婆住，呢位後父亦好體貼車佢返屋企。
聖誕前夕，人人都趕住去買禮物。啱啱同富商劉頌銘生咗仔嘅陳伶俐，呢日都趁埋一份熱鬧，同前夫林敏驄所生嘅細仔林善去咗時代廣場買聖誕禮物，言談間仲透露份禮物係送俾爸爸㖭！媽咪姐八卦心大起，跟去睇吓同林敏驄嘅溫馨場面啦。點知跟佢哋行呀行，由銅鑼灣行到去跑馬地見呢位「阿爸」，先發現原來係後父劉頌銘。陳伶俐真係識做，教到個仔咁識冧人，仲鬼死咁慳，媽咪姐真係要對陳伶俐寫個服字呀！
陳伶俐同囝囝林善買完禮物後，即刻打電話俾老公劉頌銘報到。
陳伶俐由銅鑼灣去跑馬地咁遠路程都唔坐的士，真佩服！
