全城熱爆的娛樂八封新聞 & 時事趣聞 & 生活 + 趣聞
布置完成，劉天蘭更圍樹走一圈，巡視一番，以防有遺漏。
咦，為乜利園會出現黃絲帶？唔通銅鑼灣被清場後，黃絲帶轉移咗陣地，去咗利園？睇真啲，原來係劉天蘭喺度布置緊自己間潮物舖門口棵聖誕樹啫﹗
話說劉天蘭不單係潮人，仲好有設計天份㖭。事關一般聖誕樹嘅掛飾唔係七彩波波就係小燈飾，但劉天蘭竟然幫自己舖頭嘅貨品，好似耳環呀、手鏈呀影相，用嚟做聖誕樹掛飾，之後再喺側邊綁上黃絲帶，成棵樹當堂 sharp醒晒。哈，估唔到呢位老闆潮得嚟仲幾慳家㖭﹗
劉天蘭間舖頭面積都唔細，而且入面啲貨幾乎都係來自歐洲，貴嘢嚟㗎！
劉天蘭親自落手落腳布置聖誕樹，踎低企高，搞咗成粒鐘。
劉天蘭店舖出售嘅大多係外國貨，好似呢款法國品牌，價錢唔平，但夠 cute！
