[忽然1周 - 1013] 余安安阿女好帶挈 余安安,MW,

55歲嘅余安安，喺寒風中，露出 3吋事業線。成身毛、但包到上頸嘅 Hello Kitty都要認輸。

媽咪姐

余安安阿女好帶挈

媽咪姐一向都好佩服余安安！佢自從 03年同賽車手老公李萬祺離婚後，就復出幕前努力搵錢供兩個寶貝女去外國讀書。嘩！你知啦，嗰條數好襟計㗎！

好彩，捱吓捱吓，大女已經讀完書返香港，做緊律師，只係細女仲喺美國讀緊書啫，負擔少好多。早幾日，佢就孖住兩個女去 Hello Kitty Cafe嘅開幕活動，拉住 Hello Kitty影相，童心返晒嚟！安安仲忍唔住晒命：「細女男朋友喺美國，所以無見過。大女男朋友就成日嚟屋企食飯，話我啲飯好食。不過佢煮嘢都非常好味，我話佢第時退休可以做私房菜，依家就做住我嘅私人私房菜先。」呢啲，咪叫苦盡甘來囉。

讀緊書嘅細女李文騫（左）返香港過聖誕，大女李文琪（右）趁得閒都陪阿媽出活動，好孝順！

上個月，大女男朋友特登用兩日整感恩節大餐俾安安同女友食，睇相就知有功架。安安都讚佢係靚仔大廚！

同場仲有馬詩慧、王曼喜孖住出活動，好多人讚佢哋似兩姊妹呢！

鍾意就快D Share啦！

下一篇 》