[忽然1周 - 1013] 亞視無糧出 王征去咗邊？ 亞視,王征,MW,

聽到亞視冇錢出糧，但話想搞《春晚》，跟住又取消，劉錫賢只係話：「工作一定要做嘅！」同袁潔儀一樣撐公司。

媽咪姐

亞視無糧出　王征去咗邊？

亞視拖糧一拖再拖，真係唔知可以講乜，每次無糧出都係由執行董事葉家寶出嚟見記者，媽咪姐真係想問，投資者王征究竟去咗邊？原來佢喺內地搞緊個房地產項目，仲喺微博 post咗啲生活相。睇啲相就覺得佢生活依然好開心，仲要戴住副超去游水，唔知班員工睇到有乜感覺？其實班幕後同藝人都算唔話得，上星期已趕工拍存貨，依家啲節目存貨可以捱到除夕，之後點就冇人知喇！而新聞部已公開發聲明，話除夕當日仲無糧出嘅話，唔排除停播新聞。到時亞視會違反《廣播條例》，隨時執埋。咁其他節目就算有人肯白做，都未必出到街囉！唉！

其他影片：>>亞視冇糧出　王征去哪兒？　暗星追糧見光
>>冇糧過節　亞視員工走投無路
>>有人死守　有人跳船　劉錫賢：同亞視共存亡　亞視嘟姐：提前解約

次次亞視有事都係由葉家寶出嚟見記者，作為投資者嘅王征就潛水。

冇講錯㗎，王征真係戴「超」潛水㗎！

王征將微博 icon改咗做佢搞緊嘅地產項目嘅相。

查實《六合彩》節目由馬會負責製作及借用亞視頻道播放，「六合彩王子」蔡國威份糧已包埋入播映費，找咗數俾亞視。依家欠糧，蔡國威仲肯捱義氣，都算唔話得。

鍾意就快D Share啦！

下一篇 》