網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月11日 星期四

[壹週刊 - 1292] 特首女梁齊昕自薦做 model 梁齊昕,CY女,M1,




5/12

離開萬邦行後,齊昕與母親行到對面馬路等車,齊昕一副殘樣挨在牆上,母親手指指對她說話,她都毫無反應。

探熱針

特首女梁齊昕自薦做 model

在英國倫敦政治經濟學院修讀法律學士,一度於社交網站公開「𠝹手」事件,指阿媽唐青儀要負上最大責任的特首梁振英女兒梁齊昕,幾個月前由英國返港,上星期五(十二月五日),兩母女現身中環診所林立的萬邦行,其間唐青儀不時用手拉扯女兒,齊昕雖然顯得不耐煩,但瞬間卻又表現得相當興奮。

與此同時,上星期有多間香港 model公司收到一封由 Chai Yan Leung發出的自薦 email,內附廿多張相片,全部是齊昕的生活照和自拍照,當中不乏三點式泳衣及低胸性感相。

阿媽教女

齊昕寫了一封英文自薦信 send了去多間 model公司,寄出的 email地址是用了她的姓氏 Leung加出生日期 911所組成,而且內裡附上廿多張相,當中包括這張超性感艷照。

上星期五(五日)下午五時半,特首夫人唐青儀和女兒梁齊昕坐住掛上政府部門專用 AM車牌的 Audi房車到中環,在皇后大道中落車後,行去集不同專科名醫的萬邦行,母女上樓逗留了四十分鐘後離開。

等司機接,唔想招搖,兩母女於是瑟縮在附近大廈的走火通道後門等,其間齊昕整個身體挨住牆,情緒顯得低落且一臉倦容,只見唐青儀不時對住女兒手指指訓話,更一度用手捉實齊昕左手手臂。

阿媽教女,原本一直木無表情的齊昕,突然瞬間變臉,由無厘神氣變到開懷大笑。

堅拒違例

等了大約五分鐘,見車仲未到,唐青儀吩咐齊昕打電話搵司機,電話接通後,特首夫人親自同司機對話。由於附近一帶路面相當塞車,兩母女於是過馬路行去新世界大廈外會合司機。

司機違例將車停在雙黃線禁區位,當時附近有交通警,但警員並未有上前抄牌或趕車,反而特首夫人見到司機違法表現勞氣,堅持守法,要司機將車倒後,到非禁區位置讓她們上車。過程中,她一直不停口教訓司機。

齊昕母親帶住齊昕去到名醫林立的萬邦行,逗留了四十分鐘。

突然間齊昕又生猛番晒,由黑面變到笑容滿面。

誠意十足

無論教女兒或教訓司機,唐青儀都盡顯「嚴厲」,但齊昕卻有自己一套想法。

據知,上星期有多間 model公司分別收到一封由 Chai Yan Leung寄出的自薦郵件,內容除了提到 5呎 5吋半身高, 115磅體重, 34C上圍和 24吋腰資料外,還寫了一大段自我介紹。

「我冇任何做 model同 fashion嘅經驗,但係我極度有興趣這方面工作,對時裝亦充滿熱誠,睇好多時裝雜誌同 fashion blogs,亦留意好多世界各地的超模,我知道自己唔夠高行 catwalk,不過願意做其他廣告或者雜誌影相工作。我懂得英文、廣東話、國語,同埋法文、德文及西班牙文,我會好勤力工作,唔會計較每項工作嘅價錢。」

前往上車途中,齊昕經常用手遮面,好似怕被人認出。

見到司機將車停泊在禁區位,唐青儀即時手指指,而在旁的交通警沒有執法抄牌或趕車。

臨上車前,唐青儀都不停教訓司機,指他有警察都停在雙黃線內。

家人同意

Email內更附有二十多張相片,當中包括生活照、自拍照,更有兩張三點式泳衣照,以及一張低胸性感照,這批相有部分曾在齊昕的 facebook或 Instagram見過,亦有部分照片從未曝過光。

另外,本刊收到一段疑似齊昕與 model公司人員的對話錄音,錄音聲帶中齊昕表現得對 model工作十分有興趣。

「 TVC(電視廣告)有興趣,同埋 print ad.(平面廣告)都得㗎!總之任何機會都 OK。(你係咪特首梁生個女?)呀……係呀。(點解你會想做 model?) just part-time想試吓,啱啱讀完書乜嘢類型都想試吓,好 passionate,如果係我轉做 full time。(屋企會唔會反對?)佢哋都 OK嘅,我問過佢哋。」

齊昕更將自己的三點式泳衣相寄給 model公司。

鍾意做 model的齊昕,不時都會自拍,影落唔少「靚」相。

本週二上午,本刊記者依照信內的電話打給齊昕,她接聽電話時承認是梁齊昕,但當問到有否 send過 email到 model公司,她表示唔方便講、冇評論、唔好意思。之後問她家人會否反對她做幕前,齊昕只講了一句:「所有嘢都 no comment!」然後匆匆收線。

但下午四點半齊昕先去中環再到尖沙咀,其間記者再致電給齊昕,目擊到她有接電話,證實該電話號碼是屬實,之後記者再當面問齊昕有關寫信自薦做 model一事,她有準備地回應:「冇寄過,有好多人鍾意冒充我個名,(咁有冇興趣入娛樂圈?)我讀法律㗎!」但聽番齊昕的聲音,與之前她疑似同 model公司職員對話相當啓合。

到英國讀法律,但廿三歲齊昕的夢想,可能同一般少女無異,希望扮靚做 model,不過唔知齊昕嘅母親知道後,會唔會又再倒抽一口涼氣?

9/12

週二,齊昕現身中環同尖沙咀 shopping,其間記者問到她是否想做 model時,她反口否認。

頻惹是非

曾經在訪問中提過「絕不會把孩子送去外國」的 689梁振英,三名子女均在英國留學,其中二女梁齊昕在「外國勢力感染下」,為人分外敢言,有時甚至出言挑釁,同網民掀起罵戰。

2月底,《明報》前總編輯劉進圖遇襲, CY女公開評論事件與新聞自由無關,被網民「圍攻」。

6月底 CY女在 fb上載兩張手腕有兩條紅痕的自殘照,事後 689伉儷飛到英國,一家三口笑晒在公園影相淡化事件。但 CY女接受《信報》訪問時稱,自己「被操控下到海德公園,玩父親建議的『開心家庭』蹩腳公關伎倆」,踢爆是 689的主意,因為母親唐青儀「不會有這種腦筋」,同時亦表明「她在公眾眼中與私底下截然不同」。

7月底 CY女忽發偉論,明踩阿媽:「 Courage and loyalty are the virtues I value the most. My mother embodies the exact opposites of both.」(自己重視勇氣和忠誠這兩項美德,但我的母親卻體現了這兩種美德的對立面。)

8月中凌晨四時,先後留言「跳樓吧」、「死,驚什麼」,其後更轉載自殺的美國女詩人 Sylvia Plath名言。

9月忽然在社交網站賣廣告,為中、小學補習英文,單對單每小時三百元。有網民嫌貴,最後補習廣告亦刪走。

9月底警察出動催淚彈驅趕佔中市民,杜汶澤於 fb留言,指 689「要為今天負上沉重代價」, CY女留下惹火言論:「鍾意乜嘢都借機搏上位。」其後挑釁網民,「就算喺街見到我,諒你都唔敢一拳打我塊面或者吐我口水。」、「踏出中環,有嘢做,認得我有種過嚟打我吖笨。」

11月底, CY女再有尋死跡象,在 instagram貼圖「 May be Suicide is the answer」(自殺可能是答案),再留言:「 Maybe」,此外亦貼上多張負面英文名句,暗示心情欠佳。



鍾意就快D Share啦!


Related Posts Plugin for WordPress, Blogger...