掃呢頁CODE去手機

2014年12月26日 星期五

[壹週刊 - 1294] 睇住嚟食 唐樓玩煮飯仔 側田手緊瘟女 M1,




側田又有新對象,早前帶住新女踎茶餐廳,之後買餸返愛巢玩煮飯仔。

探熱針

睇住嚟食 唐樓玩煮飯仔 側田手緊瘟女

返祖國搵食苦無門路,側田由北京回流香港投靠林建岳,但事業依然一池死水。冇乜嘢做,入不敷支的側田早前索性由貝沙灣豪宅搬到鴨脷洲,降格住唐樓。靠食老本,樣樣都要慳住使,連溝女都要錫住荷包,側田同新女友踎完茶餐廳,再幫襯街坊鋪仔上糧返歸煮飯,出街消費,可免則免。

女友埋單

以往側田住得豪,玩得更豪!月前被踢爆一拖二返私竇尋開心,話口未完,最近又再換馬!新歡一頭長髮,身形又夠高,完全迎合到側田的口味。

「以前側田好手鬆,好鍾意同啲女仔去啲高級餐廳、酒店食飯,送花送禮物更加唔少得,不過今時唔同往日,而家收入少咗,冇咁多錢氹女。」知情者說。

量入為出,生活起居全線下調,招呼女友,亦要勒緊褲頭。

有錢冇錢但一定有女!早前記者發現打扮街坊的 cap帽側田,在大坑一間便利店買了一支水和鮮奶,之後再走入一間越南餐廳,原來女友早已攞定位,但側田純粹齋望伴食,等女友食完一大碗麵仲未飽,於是轉場到附近的茶餐廳再食,二人並排而坐,今次側田同女友都各自點了一份下午茶餐,唔使再得個睇字。醫飽肚由女友埋單,側田負責遞手截的士,一齊返鴨脷洲。

回家路上,二人不斷跟街坊打招呼,又停低玩狗。



側田揀完雪藏牛扒後,對手濕淋淋,女友即拎紙巾替他抹手。

吹水玩狗

到埗後,先到超市買日用品,沿途不斷有街坊跟他們打招呼,狀甚熟絡;見到有人放狗,二人又停低跟對方吹水玩狗。去完超市,再到附近凍肉鋪買牛扒,側田揀完,女友即拎出紙巾替他清潔,十分細心。最後去菜檔買埋菜,一袋二袋返歸。

買餸返屋企玩煮飯仔,有情趣又比外面食經濟,側田唐樓瘟女,平玩一樣得!

北京撈唔掂,側田回港後事業一樣冇起色,近月幾乎零工作量。

早前側田被爆一拖二返私竇尋歡,形象再一次插谷底。

側田與新女到屋企附近的菜檔買餸後,返歸玩煮飯仔。

二人到大坑的茶餐廳撐枱腳,食飽後由女友埋單。



鍾意就快D Share啦!