掃呢頁CODE去手機

2015年2月11日 星期三

[FACE - 403] 好大牌 起大台飛腳 楊怡執三攤 佘詩曼嫌黃浩然未夠班 黃浩然,浩然,佘詩曼,楊怡,黃浩,MF,




阿佘嚟緊忙為電影《衝上雲霄》宣傳,戲分唔少得過 Sammi,又拍住古仔,仲恨做視后咩?做影后好過

真面目

好大牌 起大台飛腳 楊怡執三攤 佘詩曼嫌黃浩然未夠班

之前就話一台獨大,不過小生花旦而家可以北上揾食,講價籌碼大咗,唔一定聽大台話喇。

好似視后佘詩曼上年簽返大台,但講到明一年一劇嘅佢,大台諗住揾佢拍《呂后傳奇》,諗住阿佘一個夠照,所以去年節目巡禮是但搵咗黃浩然、張致恆拍佢,但進軍大銀幕嘅阿佘又點會肯屈就,仲要話推就推唔使講理由,而呂后一角已暫定由楊怡接手。







戲中阿佘仲會同古仔喺池中激吻,呢啲場面梗係留返拍電影先拍啦,唔通留畀大台咩?

39歲佘詩曼上年重簽大台,不過曾北上拍劇,賺過 40萬一集的她,仲邊甘願只做大台視后,所以講到明一年一部,重要自己話 ok先拍,上年套《使徒行者》就係最好例子,唔係阿佘 like個劇本,得鬼閒睬你。

《呂后》 3月開拍

不過大台霸道慣,上年節目巡禮揾阿佘拍住黃浩然、張致恆為《呂后傳奇》宣傳,諗縮數揾阿佘一個夠照,一心諗住其他主角平得就盡平,據知當時阿佘已對呢個卡士陣容不滿,不過覺得係節目巡禮卡士未落實,所以當時冇出聲。

進軍緊電影圈嘅阿佘,喺《衝上雲霄》電影版拍住古仔同 Sammi升晒呢。至上月阿佘收到公司通知,希望佢 3月埋位拍《呂后傳奇》,但最慘係卡士冇變,雖然黃浩然呢幾年當旺,不過佢視帝都冇攞過邊夠班呀?大台聞到𤓓味已即刻將陣容升呢,由張致恆改為吳卓羲頂上,但阿佘實行睬你都傻,而《呂》劇監製李添勝本想用胡杏兒頂上,但胡杏兒約滿在即,結果由楊怡執三灘谷住拍,楊怡想有得揀?走咗先

上年節目巡禮阿佘為《女后傳奇》宣傳,當日好評如潮,個個讚阿佘夠霸氣做呂后,家陣由阿佘變演過《宮心計》嘅楊怡,其實都未必衰得晒嘅!

胡杏兒約滿

阿佘唔拍,監製李添勝諗住搵曾在《幗 III》合作過的胡杏兒頂上,但胡杏兒約滿走人,當然唔會接。

楊怡焗接

之後添哥再向拍過《宮心計》類似劇種的楊怡埋手,添哥貪佢夠霸氣。

吳卓羲替補

據知阿佘嫌黃浩然、張致恆未夠班,勝哥已經揾嚟吳卓羲頂咗張致恆個位,不過阿佘都覺陣容未夠星級。

添哥製作唔多掂

阿佘除咗因為卡士唔夠勁之外,據知又擔心監製李添勝作品唔多受歡迎,因為添哥近年多套作品好運滯,除咗《神探哥倫布》仆直,有祥仔、胡杏兒孭飛嘅《巾幗梟雄之諜血長天》又推出冇期。加埋最近套《宦海奇官》收視一般,阿佘擔心好正常。

仆到直

《神探高倫布》

劇中馬賽不停 loop布布,加上劇情硬膠, 13年出街時被封為膠劇之一。

冇得出

《蘋果日報》圖片

《巾幗裊雄三:諜血長天》

編審葉廣蔭同大台就性騷擾案打緊官司,搞到原本 14年台慶劇變咗陳年貨底。

冇人知

《宦海奇官》

收視算合格,結局最高有 28點,不過網民冇咩留意,播咗都冇人知。

大台急換血

大台花旦小生叫走,尤其孭得飛嗰堆走得最多,阿佘叫唔郁,杏兒離隊,得番楊怡鍾嘉欣拍唔到幾多套,除咗最近揾嚟謝安琪拍《殭》外,大台近年力谷陳凱琳、蔡思貝上位,希望遠水救到近火啦。

冇拍劇經驗嘅謝安琪,首次幫大台拍殭屍劇,大台嚟講叫好新鮮喇。

陳凱琳一拍劇就女一,連埋播緊《 4個女仔 3個 Bar》已經第 3套,真係辛苦哂。

蔡思貝(左)除咗綜藝節目,亦拍劇冇停手,拍咗兩套劇就做女一,新劇《衝線》三月播映。

鍾意就快D Share啦!