掃呢頁CODE去手機

2015年4月9日 星期四

惠英紅食糖頂煙癮 [壹週刊 - 1309] 惠英紅,M1,



同你吟一吟

惠英紅食糖頂煙癮

情緒病喺現今社會,幾乎同傷風感冒一樣普通,尤其娛樂圈,抽離唔到角色又抑鬱,少少事遇到挫折,又話壓力爆煲,情緒問題,惡過癌細胞。

已經五十四歲嘅惠英紅,十幾年前亦因為抑鬱症要退出幕前,直到○五年先再復出,○九年佢憑電影《心魔》喺各地大小電影頒獎禮連掃八個獎,事隔廿八年再做影后,掂!

早個禮拜,《壹》仔喺中環見到惠英紅同胞妹行街置裝,同行仲有一男子,買完行去上車,其間煙癮發作,但惠英紅唔想當街當巷對住個垃圾筒 BBQ咁衰相,於是以糖代煙,頂住先。

有心病唔係末日,更加唔會就咁收工,惠英紅係最佳示範!開口埋口都話自己情緒有事嘅年輕一輩,請自勉。

唔鍾意揸住支煙行街嘅小紅姐,食糖頂癮,上到車先扯番飛上電。

同行男子同小紅姐五官有幾分相似。

細妹(箭嘴)陪住小紅姐喺 Max Mara大出血,最後兩大袋走。

鍾意就快D Share啦!