全城熱爆的娛樂八封新聞 & 時事趣聞 & 生活 + 趣聞
情緒病喺現今社會，幾乎同傷風感冒一樣普通，尤其娛樂圈，抽離唔到角色又抑鬱，少少事遇到挫折，又話壓力爆煲，情緒問題，惡過癌細胞。
已經五十四歲嘅惠英紅，十幾年前亦因為抑鬱症要退出幕前，直到○五年先再復出，○九年佢憑電影《心魔》喺各地大小電影頒獎禮連掃八個獎，事隔廿八年再做影后，掂！早個禮拜，《壹》仔喺中環見到惠英紅同胞妹行街置裝，同行仲有一男子，買完行去上車，其間煙癮發作，但惠英紅唔想當街當巷對住個垃圾筒 BBQ咁衰相，於是以糖代煙，頂住先。有心病唔係末日，更加唔會就咁收工，惠英紅係最佳示範！開口埋口都話自己情緒有事嘅年輕一輩，請自勉。
唔鍾意揸住支煙行街嘅小紅姐，食糖頂癮，上到車先扯番飛上電。
同行男子同小紅姐五官有幾分相似。
細妹（箭嘴）陪住小紅姐喺 Max Mara大出血，最後兩大袋走。
