全城熱爆的娛樂八封新聞 & 時事趣聞 & 生活 + 趣聞
揀花期間, Joey不斷問助手意見。
早排天后男友劉浩龍接受雜誌訪問,親口承認同容祖兒拍拖已經三年,彼此財政獨立,更加唔會因為女朋友係樂壇天后,令佢覺得有壓力,仲話兩個從來冇嗌過交,因為大家年紀有番咁上下,識得點去互相包容,不過到呢一刻為止,佢同 Joey都冇諗過結婚嘅問題。
師兄公開講戀情, Joey都試過同傳媒分享同男友一齊做 facial嘅溫馨事,可見二人並冇因為女尊男卑,影響發展。上個禮拜五(四月三日),《壹》仔見到著住花花衫嘅 Joey,孖住助手仲有兩個朋友,一齊去中環買花。著花衫、買鮮花,心花怒放!真係隔住張相,都 feel到有愛情滋潤嘅容 Joey,靚爆心情。
心情好靚嘅 Joey,露出懷春笑容離開。
發現《壹》仔, Joey閃入收銀櫃位置避鏡頭。
兩個拍拖三年,劉浩龍話從未試過同 Joey鬧交。